Job 23:1-17
23 Jobtaq khaynata nirqan:
2 “Noqaqa mana sayk’uspan quejakushallasaq,+sinchita llakikusqaywanmi mana kallpaypas kanñachu.
3 ¡Pillapas willaykuwanman maypichus Dios kashan chayta!+
Chayta yachaspayqa kunanpacha maskhaq riyman.+
4 Tukuy imachus pasawasqantan payman willakuyman,mana sayk’uspan payman quejakuyman.
5 Chhaynapin yachayman imachus nisqanta,chhaynapitaq entiendeyman llapa kaykunata.
6 Icha, ¿noqa contrachu atiyninwan sayarinman?
Manachá, payqa uyariwanqapunin.+
7 Chaypin chanin runaq quejakusqanqa allichakunman,chaypin chanin juezniyqa wiñaypaq perdonapuwanman.
8 Ichaqa, inti lloqsimuy ladotaña rini chaypas manan tarinichu,kutimuspapas manapunin tarinichu.
9 Lloq’e ladoypiña llank’ashan chaypas manan rikunichu,paña ladoymanña pasarun chaypas manan rikullanitaqchu.
10 Payqa allintan yachashan mayqen ñantachus purirqani chayta,+pruebaman churawasqan qhepamanqa, ch’uya qori jinan kapusaq.+
11 Noqaqa paypa ñannillantan purirqani,paypa kamachikusqanman jinapunin kausarqani.+
12 Manapunin Diospa simintaqa qonqarqanichu,+kamachiwasqanmantapas mastaraqmi noqaqa junt’arqani.
13 ¿Pin paypa ima ruway munasqantapas jark’anman?+
Ima ruwaytaña munan chaypas ruwanpunin payqa.+
14 Ima ruwaytachá munawan chaytaqa ruwanqapunin,noqa contraqa imaymanan umanpi kashan.
15 Chaymi noqaqa payta manchakushani,paypi piensaspaqa astawanraqmi manchakuni.
16 Diosmi mancharichipuwan,tukuy atiyniyoqmi manchasqata purichiwan.
17 Ichaqa tutayaqqa manaraqmi ch’innichiwanchu,laqhayaqpas* manaraqmi upallachiwanchu.
Uraypi willakuykuna
^ Laqhayaqtaqa “tutayaq” nillankutaqmi.
