Job 27:1-23
27 Jobqa rimashallarqanmi, paymi nirqan:
2 “¡Justiciata negawaqniy+ wiñaypaq kausaq Diospa sutinpin jurani,sufrichiwaqniy+ tukuy atiyniyoqpa sutinpin jurani,
3 kausashanay tiempokamaqa,Diospa kallpan noqapi kashanankamaqa,+
4 manan jayk’aqpas simiyqa mana chaninkunataqa rimanqachu,manan jayk’aqpas qalluyqa llullakuspaqa rimanqachu!
5 ¡Manan jayk’aqpas nisaqchu: Razontan rimashankichis, nispaqa!
¡Wañupunaykaman noqaqa Dios sonqollapuni kasaq!*+
6 Noqaqqa manan ima juchaypas kanchu, chhaynallapunin kashasaq;+kausasqay tiempopiqa manan sonqoyqa juchachawanqachu.
7 Enemigoyqa mana chanin runa jina castigasqa kachun,noqa contra jatariqqa mana chanin runa jina tukupuchun.
8 ¿Ima suyakuymi kanman Dios contra jatariq runapaq?*+
¿Ima suyakuymi paypaq kanman Dios wañuchiqtin?
9 ¿Uyarinmanchu Dios payta?
¿Uyarinmanchu sinchi llakisqa wajakuqtin?+
10 ¿Kusikunmanchu pay tukuy atiyniyoq Dioswan?
¿Mañakunmanchu pay Diospa yanapayninta?
11 Noqan Diospa atiyninmanta yachachisaykichis,manan imatapas tukuy atiyniyoqmanta yachasqaytaqa pakasaykichischu.
12 Rijuriykunatataq rikurqankichis chayqa,¿imaraykutaq rimasqaykichisri ch’usaq?
13 Kaykunatan Diosqa millay runapaq waqaychashan,+kay herenciatan tukuy atiyniyoqqa paykunaman suyachishan.
14 Askhaña wawanku kanqa chaypas, espadawanmi wañuchisqa kanqaku;+miraynin runakunapas yarqaypin kanqaku.
15 Kausashaqkunatapas millay onqoymi wañuchipunqa,viudankupas manan paykunamantaqa waqanqachu.
16 Jallp’ata jinaña qolqeta montonqa chaypas,t’uruta jinaña valorniyoq p’achakunata juñunqa chaypas,
17 may tukuytaña chaykunata montonqa chaypas,chanin runan chay p’achawanqa churakunqa;+mana juchayoq runan qolqentaqa rakinqa.
18 Wasi perqasqanqa thutaq q’esan jinallan,wasi ruwasqanqa chajra qhawaqpa ch’ujllan jinallan.+
19 Payqa qhapaqmi puñunanman jaykunqa,jatarispan ichaqa mana imatapas oqarinqachu,ñawinta kichariqtinqa manan imanpas kanqachu.
20 Mancharikuyqa lloqlla unu jinan payman chayanqa,tutan paytaqa sinchi wayra apapunqa.+
21 Inti lloqsimuymanta jamuq wayran apapunqa, chinkachipunqa;maypichus kasharqan chaymantan apapunqa.+
22 Kallpachakushanqaña ayqekunanpaq chaypas,+mana khuyapayaspan wayraqa payman phawaykunqa.+
23 Wayraqa asipayanqan payta,silbasparaqmi paytaqa pisichanqa.+
Uraypi willakuykuna
^ Chaypiqa “Dios sonqo runan kani, nishallasaqmi” nillanmantaqmi.
^ Chaypiqa “Diosmanta t’aqakuspa pay contra jatariq runapaq” nillanmantaqmi.
