Job 28:1-28
28 ”Kanmi qolqeta maymanta orqona,ch’uyanchana qorita+ maymanta orqonapas.
2 Jallp’amantan fierrotaqa orqokun,rumimantan cobretapas orqokun.+
3 Runaqa tutata mana manchakusparaqmi,laqhayaqta* mana manchakusparaqmi,jallp’aq sonqonpi ancha valorniyoq rumikunata* maskhan.
4 Payqa runakunaq mana tiyasqanpin,runaq mana purisqan ch’in ladopin t’oqokunata ruwan;wakin runakunaqa warkurayasparaqmi chaypi llank’anku.
5 Jallp’a patapiqa sumaqtan mijuykuna rurun,jallp’a ukhun ichaqa ninawan kanaykusqa jina kashan.*
6 Chay ukhupin zafiro rumiqa kashan,qoripas jallp’apin kashan.
7 Chayman rinataqa manan ankapas rikunchu,yana wamanpa* ñawinpas manan rikunchu.
8 Manan mayqen salqa animalpas chaymanqa chayanchu,manan malta leonpas chaypiqa purinchu.
9 Runaqa ch’ila rumitan makinwan p’akin,orqokunatapas k’uchunta t’oqospan thunin.
10 Qaqakunapin yarqhakunata* ruwan,+allintan reqsin ancha valorniyoq kaqkunatapas.
11 Maymantachus mayu unu paqarimusqantan jark’an,jinaspa ancha valorniyoq kaqkunata jawaman orqon.
12 Ichaqa, ¿maypitaq yachayri kashanman?+
¿Maymantan allin yuyaypas paqarimun?+
13 Manan pipas yachanchu jayk’achus yachay valen chayta,+chayqa manan runakuna ukhupiqa tarikunchu.
14 Ukhu unukunan nimun: ¡Yachayqa manan kaypichu!, nispa.
Lamar-qochapas ninmi: ¡Yachayqa manan noqawanchu!,+ nispa.
15 Yachaytaqa manan ch’uya qoriwanpas rantikuyta atikunmanchu,manataqmi chaytaqa qolqewanpas cambiayta atikunmanchu.+
16 Manan Ofirmanta apamusqa qoriwanpas rantikuyta atikunmanchu,+nitaqmi ónice rumiwanpas zafiro rumiwanpas rantikuyta atikunmanchu.
17 Yachaymanqa manan qoripas vidriopas igualanmanchu,manataqmi ch’uya qorimanta p’ukuwanpas cambiayta atikunmanchu.+
18 Yachaytaqa manan coralwanpas* cristal rumiwanpas cambiakuyta atikunmanchu,+juj bolsa perlamantaqa* juj bolsa yachaymi masta valen.
19 Cusmanta apamusqa topacio rumipas+ manan chaymanqa igualanmanchu,manan ch’uya qoriwanpas chaytaqa rantikuyta atikunmanchu.
20 Ichaqa, ¿maymantan yachay jamun?
¿Maymantan allin yuyaypas paqarimun?+
21 Yachayqa llapa kausaqkunaq ñawinmantan pakasqa kashan,+altonta phalaq animalkunaq ñawinmantapas pakasqan kashan.
22 Aya p’ampanapas* wañuypas ninkun:
Yachaymantaqa rimayllatan uyariyku, nispa.
23 Diosllan reqsin yachayman riq ñantaqa,payllan yachan maypichus tiyan chaytaqa.+
24 Diosqa k’uchunmanta k’uchunkamaraqmi kay jallp’ataqa rikumushan,janaq pachaq uranpi kaqkunataqa lliutapunin payqa rikumushan.+
25 Wayraman atiyta qoshaspan,+unupas may tukuychus kananta nishaspan,+
26 paraman kamachikuyta churashaspan,+rayo t’ojaymanpas yana phuyumanpas ñanninta rikuchishaspan,+
27 payqa yachayta rikurqan, jinaspa willarqan imayna kasqanta,allintan tajyachirqan, rikuchirqanmi ancha valorniyoq kasqantapas.
28 Jinaspan payqa runata nirqan:
Jehová Diosta manchakuymi yachayniyoq kayqa,+mana allinkunamanta karunchakuymi allin yuyayniyoq kayqa,+ nispa”.
Uraypi willakuykuna
^ Laqhayaqtaqa “tutayaq” nillankutaqmi.
^ Chaypiqa qorimanta, qolqemanta, fierromanta, cobremanta iman rimashan.
^ Yaqachus jina chaypiqa mina ukhupi llank’asqankumanta rimashan.
^ Wamanqa anka jinan, ichaqa juch’uyllan.
^ Yarqhataqa “larqha, sanja” nillankutaqmi.
^ Perlaqa ancha valorniyoqmi, qespi rumi jinan, chayqa tarikun lamar-qochapi kaq wakin animalkunaq ukhunpin.
^ Chaypiqa “Wañusqakunaq ismusqan ukhupas” nillanmantaqmi.
