Job 3:1-26
3 Chaymantataq Jobqa rimayta qallarirqan, jinaspa nacesqan p’unchayta ñakayta qallarirqan.+
2 Paymi nirqan:
3 “Qonqasqa kachun nacesqay p’unchayqa;+qonqasqa kachun, ¡juj qhari wawan nacerun!, nisqanku tutapas.
4 Allinchá kanman chay p’unchay laqhayaqman* tukupunman karqan,k’anchaypas chinkapunman karqan chayqa.
Kusachá kanman Diospas chay p’unchayta qonqapunman karqan chayqa.
5 Nacesqay p’unchaytaqa laqhayaq tuta apapunman karqan,yana phuyu pakapunman karqan,laqhayaq wiñaypaq millp’upunman karqan.
6 Kusachá kanman chay tutata yana phuyu millp’upunman karqan chayqa.+
Nacesqay p’unchayqa amapuni pipas kusikunmanchu karqan,chay p’unchayqa amapuni mayqen killapipas yupasqachu kanman karqan.
7 Chay tutaqa amapuni pipas nacenmanchu karqan,amapuni pipas kusikunmanchu karqan.
8 Ñakasqa kachun chay tuta, p’unchayta ñakaqkuna ñakachunku,cocodrilota*+ rijch’achiqkuna ñakachunku.
9 Pacha illarimuy ch’askakunapas ama k’anchanmanchu karqan,amapuni p’unchaypas illarimunmanchu karqan,pacha illarimuy k’anchaypas ama rikukunmanchu karqan.
10 Ima horataq mamayqa wachakuwarqan,+khayna llakikunata mana rikushaymanchu karqan.
11 Amaña mamaypa wijsanmanta lloqsimuymanchu karqan.
Naceshaspa wañukapuyman karqan.+
12 ¿Ima horataq mamayqa moqon* patapiraq chaskiwarqan,ñuñuntaraq ñuñuchiwarqan?
13 Thaj samakushayman karqan,+thaj puñukushayman karqan.+
14 Reykunawan kuska samakushayman karqan,yuyaychaqninkunawan kuska puñukushayman karqan,kay thunisqa llaqtakunata jatarichiqkunawan kuska kashayman karqan.
15 Askha qoriyoq umallikunawan kuska,wasi junt’a qolqeyoq runakunawan kuska thaj samakushayman karqan.
16 Mamay malpariwanman karqan, wijsallanpi wañukapuyman karqan,wañusqa wawakuna jina amaña k’anchaytapas rikuymanchu karqan.
17 Chaypiqa* millay runakunapas manan imamantapas llakikunkuchu,chaypiqa sayk’usqakunapas samakunkun.+
18 Chaypiqa preso kaqkunapas thajmi kashanku,sinchi llank’achiq runakunaq kunkantapas manan uyarinkuchu.
19 Wañupuspaqa jatunpas juch’uypas kaqllan kapunku,+esclavokunapas patronninmantaqa libren kapunku.
20 ¿Imaraykutaq Diosri ñak’ariqkunata kausachishallan?*
¿Imaraykutaq sinchi llakisqakunatapas kausachishallan?+
21 ¿Imaraykun wañuy munaqkunaman mana wañuy chayamunchu?+
Paykunaqa pakasqa qorita jinaraqmi wañuytaqa maskhanku.
22 Paykunaqa maytachá kusikunkuman wañuyta tarispaqa.
Paykunaqa anchatachá kusikunkuman sepulturata tarispaqa.
23 ¿Imaraykun Dios kausayta qon* manaña kausay munaq runaman?
¿Imaraykun Dios juj runata llapa ladomanta mat’iykuspa jinallata qhawan?+
24 Mijunaypas llakikuyllañan,+weqeypas unu jinaraqmi jich’arikushan.+
25 Imachus manchakusqaymi chayamuwan,imatachus llakisqa qhawarqani chaymi jamuwan.
26 Noqapaqqa manan thaj kay kanchu, manan samarikuypas kanchu.
Llakikuyllan waqayllan noqamanqa chayamushawan”, nispa.
Uraypi willakuykuna
^ Laqhayaqtaqa “tutayaq” nillankutaqmi.
^ Moqotaqa “qonqori” nillankutaqmi.
^ Chaypiqa “Wañuypiqa” nillanmantaqmi.
^ Hebreo rimaypiqa “ñak’ariqkunaman k’anchayta qon” ninmi.
^ Hebreo rimaypiqa “k’anchayta qon” ninmi.
