Job 32:1-22
32 Jobqa chanin runapaqpunin qhawarikusharqan,+ chayta reparaspan kinsantin amigonkunaqa manaña imanispapas nirqankuñachu.
2 Ran familiamanta Buzpa mirayninmanta+ Barakelpa churin Elihumi ichaqa sinchita phiñakurqan. Jobqa Diosta chaninpaq qhawarichinanmantaqa,+ paytan chaninpaq qhawarikurqan, chaymi Elihuqa Jobpaq sinchita phiñakurqan.
3 Elihuqa Jobpa kinsantin amigonkunapaqpas phiñakullarqantaqmi, paykunaqa manan Jobpa rimasqanman allintachu kutichirqanku, aswanmi Diosta tumparqanku mana allinkuna pasasqanmanta.+
4 Elihuqa paykunamanta aswan waynallaraqmi karqan, chaymi suyakusharqan Jobpa rimay tukunanta.+
5 Chay kinsantin runakunapas manaña imaniytapas atiqtinkun Elihuqa sinchita phiñakurqan.
6 Jinan Buzpa mirayninmanta Barakelpa churin Elihuqa rimayta qallarirqan. Nirqanmi:
“Qankunaqa kuraqkunañan kankichis,+noqan ichaqa waynallaraq kani.
Qankunata respetaspaymi ch’inlla karqani,+chayraykun imachus yachasqaytapas waqaychallarqani.
7 Kuraq runakuna rimachunku,askha watayoqkuna yachayninkuta mast’arichunku, nirqanin.
8 Ichaqa runakunapi kaq Diospa espiritunmi,tukuy atiyniyoqpa samayninmi runataqa yachayniyoqman tukuchin.+
9 Manan watakunachu runataqa yachayniyoqman tukuchin,manataqmi kuraq runakunallachu chanin kaqtaqa entiendenku.+
10 Chaymi niyki: Uyariway imachus nisqayta,noqapas yachasqaytan willasayki.
11 Noqaqa ch’inllan suyakurqani qankunaraq rimanaykichista,ch’inllan uyarirqani imachus rimasqaykichista,+ch’inllan qhawarqani imachus ninaykichispaq piensasqaykichistapas.+
12 Noqaqa tukuy yuyaywanmi uyarisharqaykichis;manan mayqenniykichispas Jobpa imapi pantasqantaqa sut’incharqankichischu,manan rimasqanmanpas kutichiyta atirqankichischu.
13 Chhaynaqa ama niychischu: Yachaytan tariruyku,paytaqa Diosmi anyashan manan runachu, nispaqa.
14 Jobqa manan noqa contrachu rimarqan,chaymi mana qankuna jinachu paytaqa rimapayasaq.
15 Kay runakunaqa manchasqan kashanku,manan imaniytapas atinkuñachu,manan imapas rimanankupaq kanñachu.
16 Noqaqa suyarqanin, paykunan ichaqa manaña rimarirqankuchu,ch’inmi kapunku, manan imaniytapas atinkuñachu.
17 Kunanqa noqañataq rimasaq,yachasqaykunata rimarisaq.
18 Imaymanatan rimayta munashani,Diospa espiritunmi rimay nishawan.
19 Qaqa tapasqa vino jinan kashani,mosoq qara p’uyñupi* poqoshaq vino jinan kashani.+
20 ¡Jinallata rimachiwaychis thaj kanaypaq!
Simiytan kicharisaq rimasqaykichisman kutichinaypaq.
21 Noqaqa manan pimanpas sayapakusaqchu,+manataqmi pitapas alabasaqchu.
22 Noqaqa manan pi runatapas alabaytaqa yachanichu;chayta ruwayman chayqa kamaqniychá usqhaylla wañuchipuwanman.
Uraypi willakuykuna
^ Qhaway Explicasqa simikuna nisqapi “Qara p’uyñu” nisqata.
