Job 34:1-37
34 Elihuqa rimashallarqanmi, paymi nirqan:
2 “Yau yachayniyoqkuna, uyariwaychis rimasqayta,yau yachaysapakuna, uyariwaychis imachus nisqayta.
3 Qalluqa allintan reparan mijuna sumaqchus manachus chayta,chhaynatan ninripas allinta reparan runaq rimasqan sumaqchus manachus chayta.
4 Chhaynaqa noqanchis sut’inchasunchis imachus chanin chayta,noqanchispura rimanakuspa qhawarisun imachus allin chayta.
5 Jobmi nishan: Noqaqa razontan rimashani,+Diosqa manan justiciata ruwapuwanchu.+
6 ¿Icha juchayoqmi kani nispachu llullakusaq?
Mana ima juchaymantan mana jampiy atiy k’iriwan kashani,+ nispa.
7 ¿Kanmanchu pillapas Job jina sinchi asipayasqa?
¿Kanmanchu pillapas Job jina unuta jinaraq burlakuyta tomaq?
8 Payqa mana allin ruwaqkunawanmi purishan,millay runakunawanmi juñukushan.+
9 Paymi nin: Runakunaqa yanqan allin kaqta ruwananpaq kallpachakun,yanqan Diospa sonqonta kusichinanpaq kallpachakun,+ nispa.
10 Yachaysapa runakuna, allinta uyariwaychis:
¡Diosqa manapunin mana allinkunataqa ruwanmanchu!+
¡Tukuy atiyniyoqqa manapunin mana chanintaqa ruwanmanchu!+
11 Diosqa sapanka runamanpas imachus ruwasqanman jinan kutichipunqa,+mana allinta ruwaqqa mana allillanpitaqmi tarikunqa.
12 Diosqa manapunin mana allinkunataqa ruwanchu,+tukuy atiyniyoqqa manapunin chanin kaqtaqa q’ewinchu.+
13 ¿Pin Diosta churarqan kay jallp’ata kamachinanpaq?
¿Pin payta churarqan kay pachata cuidananpaq?
14 Runakuna contrachus jatarinman,espirituntachus samaynintachus qechunman chayqa,+
15 llapa runakunan kaq ratu wañupunkuman,jinaspa wajmanta jallp’aman tukupunkuman.+
16 Yachayniyoqtaq kanki chayqa kay nisqayta uyariway,rimasqayta makilla uyariy.
17 ¿Churakunmanchu kamachiq kananpaq chanin kaqta cheqnikuq runata?
Icha, ¿juchachawaqchu atiyniyoq chanin Diosta?
18 ¿Niwaqchu juj reyta: Manan imapaqpas valenkichu, nispa?
¿Niwaqchu autoridadniyoq runata: Millay runan kanki,+ nispa?
19 Kanmi juj Dios mana pimanpas sayapakuq,payqa manan sayapakunchu umallimanpas, qhapaqmanpas, wajchamanpas,+paykunaqa llapallankun paypa ruwasqan kanku.+
20 Paykunaqa yaqapaschá tutaq sonqonpi+ qonqay wañupunkuman,+sinchita mancharikuspan wañupunkuman.
Atiyniyoq runakunapas wañuchisqan kanku,ichaqa manan runaq makinwanchu.+
21 Diospa ñawinqa llapa runapin kashan,+payqa llapa ima ruwasqankutan rikumushan.
22 Mana allinta ruwaqkunaqa manan pakakuyta atinkumanchu,manan llanthu ukhupipas ni laqhayaq* ukhupipas pakakuyta atinkumanchu.+
23 Diosqa manan pitapas juzgananpaqqa juj p’unchayta churanchu,manan pipas ñaupanman rinanpaqqa juj p’unchayta churanchu.
24 Payqa mana tapukuspallan atiyniyoqkunata chinkachin,jinaspa jujta paypa rantinpi churan.+
25 Payqa allintan yachan imatachus ruwashasqankuta;+tutan paykunataqa atipan, jinaspa ch’usaqman tukuchipun.+
26 Millay runakuna kasqankuraykun paykunataqa waqtan,llapa runakunaq rikushasqanmi paykunataqa castigan.+
27 Paykunaqa Diostan saqepurqanku,+manan ñanninkunapipas purirqankuchu.+
28 Wajchakunatan sufrichinku, jinan payta wajakunku,Diosqa uyarinmi mana piniyoqkunaq wajakusqanta.+
29 Ch’inlla Dios kaqtin, ¿pin payta juchachanman?
Uyanta pakakuqtinpas, ¿pin payta rikunman?
Juj runamantaña juj nacionmantaña pakakunman chaypas kaqllan imapas.
30 Dios contra jatariq runaqa* manapunin kamachiyta atinmanchu,+manan runakunatapas trampaman urmachiyta atinmanchu.
31 ¿Pipas Diosta ninmanchu:
Yanqamantan castigashawanku;+
32 imatapas mana allinta ruwarqani chayqa sut’ita reparachiway;chaykunataqa manan jayk’aqpas ruwasaqñachu, nispa?
33 ¿Diospa chaninchayninta wijch’uykushaspachu imatapas munasqaykiman jina qonasuykita munashanki?
Qanmantan kanqa paypa chaninchayninta chaskinkichus manachus chayqa;chhaynaqa willaway imachus yachasqaykita.
34 Allin yuyayniyoq runakunaqa niwanqakun,uyariwaqniy mayqen yachayniyoq runapas ninqan:
35 Jobqa comuntan rimashan,+mana yuyayniyoq jinan rimashan, nispa.
36 ¡Jobqa allin-allin probasqapuni kachun,payqa millay runakuna jinan rimashan!
37 Juchallikushaspapas astawanraqmi Dios contra sayarishan.+
¡Uyanchispin t’aqllakusparaq pisichawanchis,astawantaqmi Diostapas tumpashan!”,+ nispa.
Uraypi willakuykuna
^ Laqhayaqtaqa “tutayaq” nillankutaqmi.
^ Chaypiqa “Diosmanta t’aqakuspa pay contra jatariq runaqa” nillanmantaqmi.
