Job 35:1-16
35 Elihuqa rimashallarqanmi, paymi nirqan:
2 “¿Cheqaqtapunichu mana iskayaspa niwaq: Noqaqa Diosmantapas aswan chaninmi kani,+ nispa?
¿Chay nisqaykimanta seguropunichu kashanki?
3 Qanmi nishanki: Allintaña ruwayman chaypas, ¿iman qanman* qokusunki?
Manaña juchallikurqanichu chaypas, ¿aswan allinchu kunan kashani?,+ nispa.
4 Noqan qankunata nisaykichis,qantawan amigoykikunatawanmi nisaykichis.+
5 Janaq pachata qhawariy, allinta qhaway chayta,phuyukunaqa qanmanta aswan altopin kashan.+
6 Juchallikuwaqña chaypas, ¿imananmanmi payta juchayki?+
Askhaña juchayki kanman chaypas, ¿imananmanmi payta chay?+
7 Chaninña kawaq chaypas, ¿imatan payman qowaq?
¿Imakunatan pay qanmanta chaskin?+
8 Mana allin ruwasqaykiqa runakunallatan ñak’arichin,chanin kasqaykipas runaq churillanpaqmi allin.
9 Runaqa ñak’arichisqa kaspan qaparisparaq yanapayta mañakun,atiyniyoq runakunaq makinmanta kacharichisqa kananpaqmi yanapayta mañakun.+
10 Ichaqa manan pipas ninchu: ¿Maypin kashan Diosniy?+
¿Maypin kashan jatun kamaqniy?
¿Maypin kashan tutapi takikunata takichiq?,+ nispa.
11 Payqa animalkunamantapas astawanraqmi yachachiwanchis,+alton phalaq animalkunamantapas aswan yachayniyoqmanmi tukuchiwanchis.
12 Runakunaqa qaparisparaqmi yanapayta mañakunku,paymi ichaqa mana uyarinchu+ jatunchakuq millay kasqankurayku.+
13 Diosqa manan uyarinchu yanqa mañakuytaqa,+tukuy atiyniyoqqa manan uyarinchu paykunataqa.
14 Chhaynaqa, ¿pay uyarinmanchu mana rikusqaykimanta quejakusqaykita?+
Suyakushallay, quejakusqaykiqa Diospa ñaupanpin kashan.+
15 Diosqa manan phiñasqachu cuentata mañarqasunki,manan comunta rimasqaykiwanpas phiñakurqanchu.+
16 Chhaynaqa, Jobqa yanqan rimashan,mana yachaspan imaymanata rimashan”,+ nispa.
Uraypi willakuykuna
^ Chaypiqa yaqapaschá Diosmanta rimashan.
