Job 39:1-30
39 ”¿Yachankichu ima tiempopichus salqa cabrakuna uñayoq kanku chayta?+
¿Rikurqankichu tarukakunaq wachasqanta?+
2 ¿Yachankichu jayk’a killachus chichu kanku chayta?
¿Yachankichu jayk’aq wachananta?
3 Paykunaqa qhopuchakunkun wachanankupaq,chhaynapin nanayninku tukupun.
4 Uñankuqa campopin kallpasapallaña wiñan,wiñaruspataq mana jayk’aq kutimuq ripunku.
5 ¿Pin salqa asnota libreta purichin?+
¿Pin waskhanta kacharparirqan?
6 Noqan ch’in pampakunata qorqani wasin kananpaq,noqan kachi pampakunata qorqani chaypi tiyananpaq.
7 Salqa asnoqa asikunmi runaq tiyasqan llaqta ukhumanta,manan pipas paytaqa kamachinchu ni llank’achinchu.
8 Payqa moqo patakunapin pastota maskhaspa purin,imaymana qorakunata maskhaspan purin.
9 ¿Salqa toro munanmanchu qanpaq llank’ayta?+
¿Munanmanchu pay uywa kanchaykipi puñuyta?
10 ¿Atiwaqchu payta waskhawan wataspa llank’achiyta?
¿Rinmanchu qanwan kuska wayq’okunapi llank’aq?
11 ¿Confiawaqchu paypa kallpanpi?
¿Llank’achiwaqchu sasa llank’anakunapi?
12 ¿Pay apamunmanchu chajraykiq rurunta?
¿Chayta juñumunmanchu eranayki pataman?*
13 China avestruzqa kusisqan rafranta kuyuchin,ichaqa, ¿igualchu kanman paypa rafran cigüeñaq rafranwan?+
14 Payqa pampapin runtun,jallp’awanmi runtunta q’oñichin.
15 Payqa manan piensanchu pipas runtunta sarunanpi,manan llakikunchu salqa animalkuna sarunanpipas.
16 Chiuchinkunatapas manapas chiuchinkunachu kanman jinatan qhawarin,+payqa manan llakikunchu llank’asqan yanqachus manachus chaymantaqa.
17 Diosqa manan paymanqa yachayta qorqanchu,manan entiendey atiytapas qorqanchu.
18 Rafranta oqarispa phawaspan ichaqa,caballomantapas sillakuqmantapas asikun.
19 ¿Qanchu caballoman kallpata qorqanki?+
¿Qanchu caballoq much’unpi chujchata wiñachirqanki?
20 ¿Payta langostata* jina saltachiwaqchu?
Paypa phururusqanqa manchakunapaqmi.+
21 Wayq’opin caballoqa jasp’ipakunraq,kallpawanmi saltapakunraq,+jinaspa maqanakuyman phawaykun.+
22 Payqa asipayanmi manchakuytaqa,+manan espadapas paytaqa kutirichinchu.
23 Flecha waqaychanapas wasan patapin saltakachan,lanzapas jabalinapas* phawasqanpin k’ancharinraq.
24 Payqa yanqallañan suyakun phawananta,phawaspaqa manan pampatapas tarinraqchu,waqra tocamuqtinqa manañan sayaytapas munanchu.
25 Waqra tocayta uyarispan payqa wijijijin,maqanakuytapas karumantaraqmi asnachikun,umallikunaq, maqanakuypi runakunaq qaparisqantan uyarin.+
26 ¿Qanchu k’illichuta yachachirqanki phalayta?
¿Qanchu yachachirqanki uray ladoman phalayta?
27 ¿Qanchu ankata kamachirqanki altoman phalananpaq?+
¿Qanchu nirqanki alto patakunapi q’esachakunanpaq?+
28 Payqa qaqa qhatapin illarin,payqa qaqa qhatakunapin tiyan.
29 Chaymantapachan payqa mijunanta maskhan,+chaymantapachan paypa ñawinqa mijunanta qhawamushan.
30 Chiuchinkunaqa yawartan ch’onqan,payqa maypichus wañusqakuna kashan chaypin kashan”,+ nispa.
Uraypi willakuykuna
^ Era patataqa “wayrachina pata” nillankutaqmi.
^ Langostaqa jatun t’isku-t’isku otaq jatun ch’illiku jinan. Chay langostakunaqa sinchi q’aruqmi kanku.
^ Jabalinaqa juch’uy lanza jinan.
