Job 8:1-22
8 Jinan Shúa+ llaqtamanta Bildadqa+ khaynata nirqan:
2 “¿Jayk’aqkaman khaynata rimanki?+
¡Rimasqaykiqa wayra jinan ch’usaq!
3 ¿Q’ewinmanchu Dios chanin kayta?
¿Tukuy atiyniyoq Dios q’ewinmanchu justiciata?
4 Wawaykikunachá Dios contra juchallikurqanku,chaychá Diosqa paykunata castigarqan.
5 Sichus qan Diospa yanapayninta mañakuwaq,+tukuy atiyniyoqpa khuyapayayninta rogakuwaq,
6 cheqaqtapunitaq ch’uya kawaq chayqa,+Diosqa uyarisunkimanmi,ñaupaqpi jinataq allin qhawarisqa kapuwaq.
7 Ñaupaqpi pisiña imaykipas karqan chaypas,qhepamanqa aswan qhapaqmi kapuwaq.+
8 Ñaupa tiempo runakunata tapukuy,paykunaqa taytankumanta yachasqankutaraqmi willasunkiku.+
9 Noqanchisqa qayna-unchay naceqkunallan kanchis,manan imatapas yachanchischu;kay pachapi kausayninchispas llanthu jinallan.
10 Chayrayku paykunata tapukuy,paykunan yachachisunkiku, paykunan willasunkiku.
11 ¿Wiñanmanchu papiro planta unuq mana kasqanpi?
¿Wiñanmanchu carrizo* unuq mana kasqanpi?
12 Manaraq ch’ijchimushaspachá naq’epunman,manaraq t’irashaqtinkuchá ch’akipunman,ima plantamantapas ñaupaqtaraqchá wañupunman.
13 Chhaynan kapunqaku Diosta qonqapuqkunaqa,chhayna mana suyakuyniyoqmi kapunqaku Dios contra jatariqkunaqa.*
14 Paykunaqa yanqan imapipas confianku;imapiña confianku chaypas arañaq llikan jinallan chaykunaqa.
15 Chay llikamanmi taunaykukunqaku, ichaqa manan aguantanqachu,chaymanmi jap’ipakunqaku ichaqa manaraq imapin p’itikunqa.
16 Millay runaqa qarpasqa planta jinan,ruphaywanmi huertantinman mast’arikun.+
17 Rumi montonkunamanraqmi saphinkunaqa jaykun,rumi-rumipin saphinkunata mast’arin.
18 T’iraqtinkun ichaqa chay cheqas p’enqasqa ninqa:
Manan jayk’aqpas kaypiqa rikurqaykichu,+ nispa.
19 Chhaynatan millay runakunapas chinkapunqaku,+rantinpitaq jujkunañataq jallp’amanta ch’ijchimunqaku.
20 Diosqa yanapanqan junt’aq sonqo* runakunataqa,millay runakunatan ichaqa saqerparinqa.
21 Payqa kusichisunkin,kusikuymanta asichisunki.
22 Qanta cheqnikuq runakunaqa p’enqaypin qhepanqaku,millay runakunaq karpanqa chinkapunqan”, nispa.
Uraypi willakuykuna
^ Carrizotaqa “soqos, caña” nillankutaqmi.
^ Chaypiqa “Diosmanta t’aqakuspa pay contra jatariqkunaqa” nillanmantaqmi. Qhaway Explicasqa simikuna nisqapi “Diosmanta t’aqakuy” nisqata.
^ Chaypiqa “mana juchayoq” nillanmantaqmi.
