Lucas 3:1-38
3 Chunka pisqayoq wataña Roma rey Tiberio kamachikushaqtinmi, Poncio Pilato Judeapi kamachikusharqan; Herodestaq*+ Galilea provinciapi kamachikusharqan; Herodespa wayqen Felipetaq Iturea, Traconítide distritokunapi kamachikusharqan; Lisaniastaq Abilene distritopi kamachikusharqan;
2 Anastaq umalli sacerdotekunamanta jujnin karqan, Caifastaq+ uma sacerdote kasharqan; chay tiempopin Zacariaspa wawan Juanqa ch’inneqpi kashaspa+ Diospa willakuyninta chaskirqan.+
3 Jinan payqa Jordán mayuq chimpantinta purispa muyuriqninpi runakunata nirqan: “Bautizakuychis, chhaynapin rikuchinkichis juchaykichismanta pesapakusqaykichista, chhaynapin Diospas perdonasunkichis”,+ nispa.
4 Chaykunaqa karqan profeta Isaiaspa qelqasqanman jinan, paymi nirqan: “Ch’in ladomantan juj kunka wajakamushan: ¡Jehová* Diospa ñanninta allichaychis! Paypa ñanninta limpiaychis.+
5 Llapa wayq’okuna junt’achisqa kachun, llapa orqokunapas moqokunapas pampayachisqa kachun, q’ewi-q’ewi ñankunapas rectoyachisqa kachun, qhasqa ñankunapas llamp’uyachisqa kachun.
6 Llapa runakunan rikunqaku imaynatachus* Dios salvanqa chayta,+ nispa”.
7 Askhan Juanwan bautizachikuq jamurqanku, paykunatan Juanqa nirqan: “Yau mach’aqway miraykuna, ¿pin nirqasunkichis: Atiwaqchismi Diospa phiñakuynin p’unchaymanta ayqeyta, nispa?+
8 Juchaykichismanta pesapakuychis, jinaspa allin kaqkunata ruwaychis. Amataq sonqoykichispi niychischu: Taytaykuqa Abrahanmi, nispaqa. Niykichismi: Diosqa atiyniyoqmi kay rumikunamantapas Abrahanpaq wawakunata jatarichinanpaq.
9 Hachaqa listoñan kashan sach’akunata saphinmantapacha wit’unapaq, chaymi allin ruruta mana ruruq sach’aqa wit’usqa kaspa ninaman wijch’uykusqa kanqa”,+ nispa.
10 Jinan runakunaqa Juanta tapukurqanku: “Chhaynaqa, ¿imatan ruwasaqku?”, nispa.
11 Juantaq paykunata nirqan: “Pipas iskay p’achayoqqa mana p’achayoqman jujninta qochun, mijunayoqpas mana mijunayoqman qochun”,+ nispa.
12 Impuesto cobraqkunapas Juanwan bautizachikuq jamuspan+ tapukurqanku: “Yachachikuq, ¿imatan ruwasaqku?”, nispa.
13 Juantaq paykunata nirqan: “Imachus cobranata jinallan impuestotaqa cobrankichis, aman mastaqa cobrankichischu”,+ nispa.
14 Soldadokunapas tapukurqankun: “Noqaykuri, ¿imatataq ruwasaqku?”, nispa. Paykunatataq nirqan: “Aman pimantapas qolqentaqa qechunkichischu, amallataq pitapas yanqaqa tumpankichischu,+ imachus chaskisqallaykichiswan contentakuychis”, nispa.
15 Runakunaqa Cristotan suyakusharqanku, chaymi llapanku sonqollankupi Juanmanta nisharqanku: “¿Paychu icha Cristoqa kanpas?”,+ nispa.
16 Chaymi Juanqa llapankuta nirqan: “Noqaqa unuwanmi bautizaykichis, ichaqa jujmi jamushan noqamanta aswan atiyniyoq, noqaqa manan usut’anpa watullantapas paskanaypaq jinachu kani.+ Paymi bautizasunkichis santo espirituwan* ninawan ima.+
17 Wayrachinanqa makinpin kashan eranta allintapuni limpiananpaq; trigontan taqena wasiman* oqarinqa, q’opatataq mana jayk’aq wañuq ninapi kanapunqa”, nispa.
18 Juanqa imaymanakunatawanmi runakunaman yachachirqan, willashallarqantaqmi allin willakuykunatapas.
19 Chaymantapas kamachikuq Herodestan anyarqan wayqenpa esposan Herodiaswan casarakusqanmanta, tukuy mana allinkuna ruwasqanmantawan.
20 Chaymi Herodesqa juj mana allintawan ruwarqan: Juantan carcelman wisq’achirqan.+
21 Juanqa askha runakunatan bautizarqan, bautizallarqantaqmi Jesustapas.+ Diosmanta Jesús mañakushaqtinmi cieloqa kicharikamurqan,+
22 jinan santo espirituqa paloma jina rijch’ayniyoq pay pataman uraykamurqan, cielomantataq juj kunka nimurqan: “Qanmi munakusqay Churiyqa kanki, qanqa sonqoypaq jinan kanki”,+ nispa.
23 Jesusqa+ kinsa chunka watanpin kasharqan+ yachachiyta qallarishaspaqa, runakunaq nisqanman jinaqaJosepa+ wawanmi payqa karqan.
Joseqa Elipa wawanmi karqan,
24 Elitaq Matajpa wawan karqan,Matajtaq Levipa wawan karqan,Levitaq Melquipa wawan karqan,Melquitaq Janaipa wawan karqan,Janaitaq Josepa wawan karqan,
25 Josetaq Matatiaspa wawan karqan,Matatiastaq Amospa wawan karqan,Amostaq Nahumpa wawan karqan,Nahumtaq Eslipa wawan karqan,Eslitaq Nagaipa wawan karqan,
26 Nagaitaq Majpa wawan karqan,Majtaq Matatiaspa wawan karqan,Matatiastaq Semeinpa wawan karqan,Semeintaq Josecpa wawan karqan,Josectaq Jodapa wawan karqan,
27 Jodataq Joananpa wawan karqan,Joanantaq Resapa wawan karqan,Resataq Zorobabelpa+ wawan karqan,Zorobabeltaq Sealtielpa+ wawan karqan,Sealtieltaq Neripa wawan karqan,
28 Neritaq Melquipa wawan karqan,Melquitaq Adipa wawan karqan,Aditaq Cosanpa wawan karqan,Cosantaq Elmadanpa wawan karqan,Elmadantaq Erpa wawan karqan,
29 Ertaq Jesuspa wawan karqan,Jesustaq Eliezerpa wawan karqan,Eliezertaq Jorinpa wawan karqan,Jorintaq Matajpa wawan karqan,Matajtaq Levipa wawan karqan,
30 Levitaq Simeonpa wawan karqan,Simeontaq Judaspa wawan karqan,Judastaq Josepa wawan karqan,Josetaq Jonanpa wawan karqan,Jonantaq Eliaquinpa wawan karqan,
31 Eliaquintaq Meleapa wawan karqan,Meleataq Menapa wawan karqan,Menataq Matatapa wawan karqan,Matatataq Natanpa+ wawan karqan,Natantaq Davidpa+ wawan karqan,
32 Davidtaq Jesepa+ wawan karqan,Jesetaq Obedpa+ wawan karqan,Obedtaq Boazpa+ wawan karqan,Boaztaq Salmonpa+ wawan karqan,Salmontaq Nasonpa+ wawan karqan,
33 Nasontaq Aminadabpa wawan karqan,Aminadabtaq Arnipa wawan karqan,Arnitaq Ezronpa wawan karqan,Ezrontaq Perezpa+ wawan karqan,Pereztaq Judapa+ wawan karqan,
34 Judataq Jacobpa+ wawan karqan,Jacobtaq Isaacpa+ wawan karqan,Isaactaq Abrahanpa+ wawan karqan,Abrahantaq Tarepa+ wawan karqan,Taretaq Nacorpa+ wawan karqan,
35 Nacortaq Serugpa+ wawan karqan,Serugtaq Reupa+ wawan karqan,Reutaq Pelegpa+ wawan karqan,Pelegtaq Eberpa+ wawan karqan,Ebertaq Selapa+ wawan karqan,
36 Selataq Cainanpa wawan karqan,Cainantaq Arpaksajpa+ wawan karqan,Arpaksajtaq Sempa+ wawan karqan,Semtaq Noepa+ wawan karqan,Noetaq Lamecpa+ wawan karqan,
37 Lamectaq Matusalenpa+ wawan karqan,Matusalentaq Enocpa wawan karqan,Enoctaq Jaredpa+ wawan karqan,Jaredtaq Malalelpa+ wawan karqan,Malaleltaq Cainanpa+ wawan karqan,
38 Cainantaq Enospa+ wawan karqan,Enostaq Setpa+ wawan karqan,Set-taq Adanpa+ wawan karqan,Adantaq Diospa wawan karqan.
Uraypi willakuykuna
^ Chaypiqa Jatun Herodespa wawan Herodes Antipasmantan rimashan. Qhaway Explicasqa simikuna nisqapi “Herodes” nisqata.
^ Qhaway “Astawan yachanapaq A5” nisqata.
^ Chaypiqa “piwanchus” nillanmantaqmi.
^ Chaypiqa “Diospa atiyninwan” nillanmantaqmi. Qhaway Explicasqa simikuna nisqapi “Santo espíritu” nisqata.
^ Taqena wasitaqa “despensa” nillankutaqmi.
