Miqueas 1:1-16
1 Kaymi Morésej llaqtayoq Miqueasman*+ Jehová Diospa rijuriypi rimapayasqan simikuna. Miqueasqa Judá ayllupi+ Jotán,+ Ajaz,+ Ezequías+ kamachikusqan tiempopin chayta chaskirqan. Chay rijuriykunaqa karqan Samariamanta Jerusalenmantawanmi. Kaymi chay rimapayasqan simikuna:
2 “¡Llapa llaqtakuna uyariychis!
Jallp’a, uyariy, chaypi llapa tiyaqkunapas uyariychis,Jehová Diosqa ch’uya templonpin kashan,tukuy munayniyoq Jehová Diosqa contraykichispin testigo kanqa.+
3 ¡Qhawariychis! Jehová Diosqa lloqsimushanñan,uraykamuspan kay pachapi alto orqokunata sarunqa.
4 Saruqtinmi orqokunaqa unuyanqa,+wayq’okunan ch’eqtarikunqa,ninapi wira jinan unuyanqa,qhatanta uraykamuq unu jinan puririnqa.
5 Jacobpa juchan jawan,Israelpa miraynin runakunaq juchan jawan chaykunaqa kanqa.+
¿Pin juchayoq Jacobpa juchallikusqanmanta?
¿Manachu Samaria llaqta?+
¿Pin juchayoq Judapa alto patankunamanta?+
¿Manachu Jerusalén llaqta?
6 Samariataqa campopi montonasqa rumikunamanmi tukuchisaq,uvas plantana jallp’amanmi tukuchisaq.
Ruminkunatan wayq’o urayman wijch’uykusaq,*cimentacionnintapas rijurishaqtan saqesaq.
7 Llapa ruwasqa idolonkunan ñut’usqa kapunqa,+ramera warmi jina cuerponta vendespa chaskikusqan regalokunapas ruphachisqan kapunqa.+
Llapa idolonkunatan ñut’upusaq,ramera warmi jina purispa pago chaskisqanwanmi chaykunataqa juñurqan.
Chaykunaqa jujmantan ramera warmikunaq pagon kapunqa”.
8 Chayraykun waqaspa purisaq, aullaspan purisaq,+q’ala chakillan, mana p’achallayoqmi purisaq.+
Monte alqokuna jinan aullakuspa purisaq,avestruzkuna jinan qaparisaq.
9 Samariaq k’irinqa mana jampiy atiymi,+Judakaman chayamun.+
Castigonqa llaqtay punkukaman, Jerusalenkaman chayamun.+
10 Diosmi nin: “Aman Gajpiqa willankichischu imachus pasashasqanta,aman pipas waqanqachu.
Bej-Afrá* runakuna, jallp’api qhospaychis.
11 Safir llaqta runakuna, q’alalla puriychis, p’enqasqa puriychis.
Zanán llaqta runakunaqa manan lloqsimunkuchu.
Bej-Ezel llaqtapin waqay kanqa, manañan qankunataqa yanapasunkichischu.
12 Maroj llaqta runakunaqa allin kaqtan suyasharqanku,Jehová Diosmi ichaqa mana allin kaqta Jerusalén llaqtaq punkunman chayachimurqan.
13 Lakís runakuna,+ caballokunaman carretata wataychis.
Qankunan juchayoq karqankichis Sion runakuna juchallikunanpaq.
Qankunaqa* Israel runakuna jinan juchallikurqankichis.+
14 Chhaynaqa qankunan Morésej-Gajman kachapuna regalokunata qonkichis.
Aczif+ llaqta runakunan* Israelpi reykunapaq trampa karqan.
15 Maresapi tiyaq runakuna,+jallp’akuna jap’ikapuqtan kachamusaq,+paymi jallp’aykichista jap’ikapunqa.
Israelpa jatunchasqa kayninqa Adulankaman chayanqa.+
16 Munasqa wawaykichiskunarayku chujchaykichista rutukuychis, umaykichista k’isukuychis.
Anka jina umaykichista q’arakuychis,wawaykichiskunan preso apasqa kapun”,+ nispa.
Uraypi willakuykuna
^ Miqueas sutiqa Miguel otaq Micaya sutikunamantan jamun. Miguel sutiqa “¿pitaq Dios jina kanman?” ninantan nin. Micaya sutitaq “¿pitaq Jehová Dios jina kanman?” ninanta nin.
^ Hebreo rimaypiqa “jich’aykusaq” ninmi.
^ Chaypiqa “Afraq wasin” nillanmantaqmi.
^ Chaypiqa yaqapaschá Sion runakunamanta rimashan.
^ Hebreo rimaypiqa “Aczifpa wasinkunan” ninmi.