Miqueas 3:1-12
3 Noqan nirqani: “Jacobpa umallinkuna, uyariychis,Israel runakunaq comandantenkuna, uyariychis.+
¿Manachu qankunaqa chanin kaqta ruwanaykichis karqan?
2 Qankunan ichaqa mana allin kaqta munakunkichis,+ allin kaqtataq cheqnikunkichis,+llaqtaypa aycha qarantan ch’utinkichis, tullunpi aychantan eqhankichis.*+
3 Llaqtaypa aychantan mijunkichis,+aycha qarantapas lliutan ch’utinkichis,tullunkunatan p’akinkichis, lliutan ñut’unkichis,+mankapi wayk’usqata jinan ruwashankichis,mankapi chayachisqa aychata jinan ruwashankichis.
4 Juj tiempon chayamunqa,chay pachan paykunaqa Jehová Diosta wajakunqaku,paymi ichaqa mana uyarimunqachu.
Mana allinkuna ruwasqankuraykun+ uyanta juj ladoman kutirinqa.+
5 Llaqtayta pantachiq profetakunatan,+siminkupi mijuna kaqtin+ thaj kaymi kashan+ niq profetakunatan,siminkuman mana imatapas churaq contra jatariq profetakunatan Jehová Dios nin:
6 Tutapin kankichis,+ manan ima rijuriytapas rikunkichischu,+qankunapaqqa tutayaqllan kanqa, manan watuypas kanqachu.
Chay profetakunapaqqa manan intipas kanqachu,p’unchaypas tutan kapunqa.+
7 Rijuriyta rikuq runakunapas p’enqaypin tarikunqaku,+watuq runakunapas llakisqan tarikunqaku,llapankun siminkuta* tapakunqaku,Diosqa manan paykunata uyarimunqachu, nispa”.
8 Noqaqa Jehová Diospa espiritunraykun atiywan junt’a kashani,chay espiritun yanapawan chaninta ruwanaypaq kallpayoq kanaypaqpas,chhaynapin Jacobman pantasqankunata willasaq, Israelmanpas juchankunata willasaq.
9 Jacobpa wasinpi umallikuna, uyariychis,Israel runakunaq comandantenkuna, uyariychis.+
Qankunaqa chanin kaqtan cheqnikunkichis, allin ruwaytan q’ewinkichis.+
10 Siontan yawar jich’aywan jatarichinkichis. Jerusalentan mana chanin kaqwan sayarichinkichis.+
11 Umallinkunaqa qolqepaqmi juzganku,+sacerdotenkunaqa qolqepaqmi yachachinku,+profetankunapas qolqepaqmi watunku.+
Chaykunataña ruwashaspapas Jehová Diosman jap’ipakuspan ninku:
“¿Manachu Jehová Diosqa noqanchiswan kashan?+
Manan noqanchismanqa ima ñak’ariypas chayamuwasunchu”,+ nispa.
12 Qankunaq causaykichispinSionqa chajra jina yapusqa* kanqa.
Jerusalenpas rumi montonmi kapunqa,+yupaychana wasi orqopas sach’aq tukusqanmi kapunqa.+
Uraypi willakuykuna
^ Eqhaytaqa “aychanay” nillankutaqmi.
^ Chaypiqa “sunkhankuta” nillanmantaqmi.
^ Yapuytaqa “chajmay, aray” nillankutaqmi.
