Miqueas 6:1-16
6 Uyariychis Jehová Diospa imachus nisqanta.
Sayariychis, orqokunaq ñaupanpi quejakuychis,moqokuna uyarichun rimasqaykichista.+
2 Orqokuna, uyariychis Jehová Diospa rimarisqanta,kay pachapi allin tajyachisqa cimentacionkuna,+ qankunapas uyariychis,Jehová Diosmi llaqtan contra rimarin,Israel contran juiciota jatarichin.+
3 Diosmi nin: “Llaqtalláy, ¿imanarqaykin noqa?
¿Imata ruwaspan sayk’uchirqayki?+
Contraypi pruebayki kan chayqa, rimariy.
4 ¿Manachu noqa Egiptomanta orqomurqayki?+
¿Manachu esclavo kasqaykichis jallp’amanta kacharichimurqayki?+
¿Manachu Moisesta, Aaronta, Miriamtawan+ ñaupaykiman kachamurqani?
5 Llaqtalláy, yuyariy Moab llaqta rey Balacpa imachus nisqanta,+yuyariy Beorpa churin Balaam imanispachus kutichisqanta,+yuyariy Sitinmanta+ Guilgalkama+ imachus pasarqan chayta,chhaynapi noqa Jehová Diosqa imatapas chanintapuni ruwaq Dios kasqayta yachanaykipaq”, nispa.
6 ¿Imantintaq Jehová Diosmanri asuykusaq?
¿Imantintaq janaq pacha Diosmanri k’umuykusaq?
¿Ruphachina ofrendakunatachu jaywasaq?
¿Watayoq torokunatachu qosaq?+
7 ¿Kusikunmanchu Jehová Dios waranqa-waranqa anejokunawan?
¿Kusikunmanchu sinchi askha mayukuna jina aceitewan?+
¿Phiwi* wawaytachu qosaq mana kasukusqaymanta?
¿Churiytachu qosaq juchaymanta?+
8 Yau runa, Jehová Diosmi imachus allin kaqta willarqasunki.
¿Ima ruwanaykitataq payri munan?
Payqa chanin kaqta ruwanallaykitan* munan,+junt’aq kayta* munakunallaykitan munan,+k’umuykukuywan+ paypa ladonpi purinallaykitan munan.+
9 Jehová Diosmi llaqtata wajashan:
“Wanachina varata makilla kasuychis, chay vara churaqtapas kasuychis”,+ nispa.
Yachayniyoqkunaqa sutiykitan manchakunqaku.
10 ¿Millay runakunaq wasillanpiraqchu kashan mana allin ruwaywan tarisqanku qhapaq kaykuna?
¿Chayllapiraqchu kashan suwa efá tupuna?*
11 ¿Chanin* runachu kayman suwa balanzakunata jap’ishaspa?
¿Allin runachu kayman bolsaypi pesanapaq rumi q’otukuq kaqtin?+
12 Kay llaqta qhapaqkunaqa jujkuna ñak’arichiyllapin kashanku,chaypi tiyaqkunaqa llullakuyllapin kashanku,+qallunkuqa engañayllapin kashan.+
13 “Chayraykun k’irinaykama soq’asayki,+juchaykimantan wijch’usqa kanki.
14 Mijunkin, ichaqa manan sajsankichu,aswanpas yarqasqallan kashanki.+
Imachus tarisqaykitan pakayta munanki ichaqa manan atinkichu,wakintaña apakunki chaypas espadamanmi entregasaq.
15 Tarpunkin, ichaqa manan cosechankichu,aceitunatan sarunki, ichaqa manan aceiteyki kanqachu,uvastan sarunki, ichaqa manan vinota tomankichu.+
16 Qankunaqa Omripa kamachikuyninkunaman jinan kausankichis,Ajabpa ruwasqantan, mirayninpa ruwasqantan qatikunkichis,+paykunaq yuyaychasqanman jinan kausankichis.
Chayraykun mancharikunaman tukuchisaykichis,llaqta runakunatan silbapayanaman, asipayanaman tukuchisaq,+llaqtakunaq pisichasqantan aguantankichis”.+
Uraypi willakuykuna
^ Chaypiqa “mana tukukuq munakuyta” nillanmantaqmi.
^ Chaypiqa “chanin runa kanallaykitan” nillanmantaqmi.
^ Qhaway “Astawan yachanapaq B14” nisqata.
^ Hebreo rimaypiqa “Ch’uya” ninmi.
