Oseas 11:1-12
11 Diosmi nin: “Israel wawallaraq kashaqtinqa munakurqanin,+Egiptomanta lloqsimunanpaqmi churiytaqa wajarqani.+
2 Paykuna* Israel runakunata astawan wajashaqtinkun,Israel runakunaqa astawan karunchakuqku.+
Sapa kutinmi paykunaqa Baal idolokunaman sacrificiota jaywaqku,+thupasqa idolokunamanmi sacrificiokunata apaqku.+
3 Noqan Efraintaqa puriyta yachachirqani,+ noqan paytaqa marq’ayniypi aparqani.+
Paykunan ichaqa mana reparaqpas tukurqankuchu imaynatachus yanaparqani chayta.
4 Paykunataqa khuyapayakuy waskhawanmi* apamurqani, munakuy watuwanmi pusamurqani,+kunkanmanta* yugota kacharichiq runa jinan paykunapaqqa karqani,sapankamanmi munakuywan mijunata qorqani.
5 Manan Egiptomanqa kutinqakuchu, ichaqa Asirian paykunaq reyninku kanqa.+
Noqaman mana kutimuwasqankumantan chhayna kanqa.+
6 Juj espadan muyuq wayra jinaraq llaqtankunaman chayanqa,+punku trancanankunatan ñut’upunqa, mana allinkuna ruway munasqankumantan lliuta chinkachinqa.+
7 Llaqtaymi mana allinkunata ruwayman k’umuykapun.+
Sayarinankupaqña* kamachinku chaypas manan mayqellanpas sayarinchu.
8 Efraín,+ ¿imaynan saqerpariykiman?
Israel, ¿imaynan jujpa makinpi saqerpariykiman?
¿Imaynan Ajmá llaqtata jina chinkachiykiman?
¿Imaynan Seboyin llaqtata jina ch’usaqyachiykiman?+
Manan imachus piensasqayman jinañachu ruwasayki,sonqoymi qanmanta khuyayta sienten, noqaqa anchatan khuyapayayki.+
9 Manan k’araq phiñakuyniytaqa chayachimusaqchu.
Manan Efraintaqa jujmantaqa chinkachisaqchu,+noqaqa Diosmi kani, manan runachu,qankuna ukhupi ch’uya Diosmi kani.
Manan phiñasqachu jamusaykichis.
10 Noqa Jehová Diospa qhepaytan purinqaku, noqaqa león jinaraqmi qaparisaq,+qapariqtiymi wawaykunaqa inti jaykuy ladomanta khatatataspa* jamunqaku.+
11 Phalaq animal jinan Egiptomanta lloqsimuspa khatatatanqaku,urpi jinan Asiriamanta lloqsimuspa khatatatanqaku.+
Noqan paykunataqa wasinkuman pusapusaq”, nispa. Jehová Diosmi chayta nin.+
12 Diosmi nin: “Efrainqa sapa kutillan llullakuwan,may ladoman qhawarispapas Israelpa engañasqallantan rikuni.+
Judami ichaqa noqa Diosninwanraq purishan,ch’uyay-ch’uya kaqtan tukuy sonqo servishan”,+ nispa.
Uraypi willakuykuna
^ Chaypiqa Israel runakunata yachachinankupaq kachasqa profetakunamanta wakin runakunamantawanmi rimashan.
^ Hebreo rimaypiqa “runaq waskhanwanmi” ninmi. Chaypiqa tayta-mamakuna wawankuta puriyta yachachinankupaq waskhamantan rimashan.
^ Hebreo rimaypiqa “qhaqllinmanta” ninmi. Qhaqllitaqa “kallachu” nillankutaqmi.
^ Chaypiqa Diosta allinta adoranamantan rimashan.
^ Khatatataytaqa “kharkatiy” nillankutaqmi.
