Oseas 13:1-16
13 Diosmi nin: “Efraín rimaqtinqa khatatataqkuraqmi* runakunaqa,Israelpin payqa ancha respetasqa karqan.+
Ichaqa Baal idolota yupaychasqanmantan juchayoq kapurqan,+ jinan wañupurqan.
2 Kunanqa astawanraqmi paykunaqa juchallikushanku,qolqemantan idolokunata ruwashanku,+allintan chay idolokunataqa artesanokunawan ruwachishanku.
Ninkutaq: Sacrificiokunata jaywaqkuna much’aykuchunku torillokunata,+ nispa.
3 Paykunaqa pacha illarimuy phuyu jinan kanqaku,tutallamanta wajsipuq sulla* jinan kanqaku,era patamanta* wayraq apasqan q’opa jinan kanqaku,wasimanta lloqsimuq q’osñi jinan kanqaku.
4 Noqa Jehová Diosmi ichaqa Egipto llaqtamantapacha Diosniyki kani,+manan noqa jina juj Diostaqa reqsirqankichu, noqallatan reqsiwarqanki,manan pipas noqa jina libraqqa kanchu.+
5 Qantaqa reqsirqayki ch’inneqpin,+ ch’aki jallp’apin.
6 Paykunaqa sajsan pastonkuwan kasharqanku.+
Sajsaykuqtinkutaq sonqonkuqa jatunchakurqan,chhaynapin noqataqa qonqapuwarqanku.+
7 Malta león jinan paykunapaq kasaq,+ñanpi muyuykachaq leopardo* jinan kasaq.
8 Uñanta chinkachiq china oso jinan paykunaman phawaykusaq,qhasqonkutan* llik’irparisaq.
León jinaraqmi paykunata mijusaq.
Campopi phiña animalmi paykunataqa askhaman llik’inqa.
9 Yau Israel, chinkachisqan kanki,qanqa noqa contran sayarirqanki, yanapaqniyki contran jatarirqanki.
10 ¿Maytaq llaqtaykikunapi salvanasuykipaq reyniykiri?+
Reyta umallikunatawan churapuway+ nispataq mañakuwarqankiqá,¿maytaq chay kamachikuqniykikunari?
11 Phiñakuyniypin reyta churapurqayki,+phiñakuyniypin qechupusaykipas.+
12 Efrainpa juchanqa waqaychasqan kashan,mana allin ruwasqanqa waqaychasqan kashan.
13 Onqokuq warmita jinan nanay jap’inqa.
Payqa mana yuyayniyoq wawa jinan,nacenan horas chayamuqtinpas manan naceyta munanchu.
14 Noqan paykunataqa Sepulturaq* atiyninmanta librasaq,wañuypa makinmantan kutichimusaq.+
Yau Wañuy, ¿maytaq wañuchiq picanaykiri?+
Yau Sepultura, ¿maytaq ch’usaqyachiq atiyniykiri?+
Ichaqa manaraqmi kunanqa khuyapayasaqchu.
15 Carrizokuna* chaupipiña t’ikarinqa chaypas,inti lloqsimuymantan wayra jamunqa, noqa Jehová Diospa wayraymi jamunqa,chay wayran unu pozonta ch’akichipunqa, pujyuntan ch’akichipunqa.
Llapa kaqninkunatapas ancha valeq cosasninkunatapas apapunqan.+
16 Samariaqa juchachasqan kanqa,+noqa Diosnin contra jatarisqanmantan+ juchachasqa kanqa.
Espadawan wañuchisqan kanqaku,+wawankunapas askhaman kuchusqan kanqaku,onqoq warmikunapas khallarparisqan kanqaku”, nispa.
Uraypi willakuykuna
^ Khatatataytaqa “kharkatiy” nillankutaqmi.
^ Sullataqa “chhulla” nillankutaqmi.
^ Era patataqa “wayrachina pata” nillankutaqmi.
^ Leopardoqa puma jinan, ichaqa ch’eqchin.
^ Qhasqotaqa “pecho” nillankutaqmi.
^ Carrizotaqa “soqos, caña” nillankutaqmi.
