Oseas 14:1-9
14 Diosmi nin: “Israel, Jehová Diosniykiman kutirikamuy,+juchayki jawan urmarqanki.
2 Jehová Diosman kutirikamuychis, khaynata niychis:
Juchaykuta perdonaykuwayku,+ allinkuna ruwasqaykuta chaskiykuwayku.
Malta torotapas sacrificiopi jaywamushaykuman jinatan jatunchasaykiku.+
3 Asiria nacionqa manan salvawanqakuchu,+manan caballokunapiqa confiasaqkuchu,+manañan makiykuq ruwasqankunataqa, ¡kaymi Diosniyku!, nisaqkuchu.
Diosniyku, qanllan wajchakunata* khuyapayaqqa kanki,+ nispa.
4 Mana kasukuq kayninkutan qonqachipusaq,+sonqomantan* paykunataqa munakusaq.+
Phiñakuyniyqa karunchakunñan paykunamanta.+
5 Israelpaqqa sulla* jinan kasaq,payqa lirio t’ika jinan t’ikarinqa,Libanopi sach’akuna jinan saphinqa ukhuman jaykunqa.
6 K’allmankunaqa jatuntan mast’arikunqa,aceituna sach’a jinan munayllaña kanqa,Libanopi sach’akuna jinaraqmi q’aparinqa.
7 Llanthuypin jujmanta tiyanqaku.
Trigotan* t’akanqaku, chaykunaqa uvas sach’a jinaraqmi ch’ijchimunqa.+
Libanopi allin reqsisqa vinomanta jinan noqamantapas rimanqaku.
8 Efrainmi ninqa: Noqari imataq idolokunawan ruwanay,+ nispa.
Noqataq uyarimusaq, jinaspan payta cuidasaq,+raphisapa enebro sach’a jinan paypaq kasaq.
Noqan payta ruruchisaq”, nispa.
9 Pipas yachayniyoqqa kaykunata entiendechun,pipas allin yuyayniyoqqa kaykunata reparachun.
Jehová Diospa ñanninkunaqa chaninmi,+chanin runakunan chay ñanninta purinqaku,mana chanin runakunan ichaqa chay ñanpi urmanqaku.
Uraypi willakuykuna
^ Chaypiqa “mana taytayoqkunata” nillanmantaqmi.
^ Chaypiqa “noqallamantan” nillanmantaqmi.
^ Sullataqa “chhulla” nillankutaqmi.
^ Chaypiqa “Cebadatan” nillanmantaqmi.
