Oseas 3:1-5
3 Chaymantan Jehová Diosqa niwarqan: “Phaway juj qhariq munasqan esposaykiwan kutinakampuy, jujwan pantaq esposaykita jujmanta munakapuy.+ Imaynan Jehová Diospas Israel runakunata munakushallan+ juj dioskunataña yupaychashanku chaypas,+ pasas torta* gustoyoqña kanku chaypas, chhaynata qanpas ruwamuy”, nispa.
2 Jinan noqaqa chay warmita rantikurqani chunka pisqayoq qolqewan juj homer* kuskan cebadawan ima.
3 Paytan nirqani: “Noqaqmi kapunki. Amaña ramera warmichu kay,* amaña juj qhariwanqa kankichu. Noqapas askha p’unchaykunan qanwan mana puñusaqchu”, nispa.
4 Unaymi Israel runakunapas mana reyniyoq kanqaku,+ manan umallinkupas kanqachu, manan sacrificiotapas jaywanqakuchu, manan kanqachu yupaychana sayashaq rumikunapas, manan kanqachu sacerdote unkupas,*+ manan kanqañachu terafim* idolokunapas.+
5 Chay qhepamanmi Israel runakunaqa Jehová Diosninkuta+ reyninku Davidtawan jujmanta maskhanqaku.+ Tukukuy p’unchaykunapin khatatataspa* Jehová Diosman khuyapayayninta chaskiq jamunqaku.+
Uraypi willakuykuna
^ Chaypiqa idolokunata yupaychanapaq tortakunamantan rimashan.
^ Juj homer tupunamanqa iskay pachaj iskay chunka litron jaykuq. Qhaway “Astawan yachanapaq B14” nisqata.
^ Chaypiqa “Amaña qhelli juchapi puriychu” nillanmantaqmi.
^ Unkuqa jatun suéter otaq chaleco jinan karqan. Qhaway “Astawan yachanapaq B5” nisqata.
^ Khatatataytaqa “kharkatiy” nillankutaqmi.
