Oseas 5:1-15
-
Judapas Efrainpas juzgasqa kanankumanta (1-15)
5 “Yau sacerdotekuna, uyariwaychis,+yau Israel runakuna, uyariwaychis,qankunapas reypa palacionpi kaqkuna, uyariwaychis;kay nisqayqa* qankunapaqmi.
Qankunaqa Mizpá llaqtapi trampan kankichis,Tabor orqopi llikan kankichis.+
2 Mana kasukuq* runakunaqa wañuchiyllapin purishanku.
Llapa paykunatan anyashani.*
3 Efraintaqa reqsinin,Israelqa manan noqamanta pakapichu kashan.
Yau Efraín, qhelli jucha ruwaypin* purishanki.
Israelqa qhellichakapunmi.+
4 Mana allin ruwasqankun Diosninkuman kutirikunankuta jark’ashan.
Paykunaq yuyayninkuqa qhelli jucha ruwayllapin* kashan,+manan Jehová Diosninkutapas respetankuchu.
5 Jatunchakuq kayninmi Israel contra riman,+Israelpas Efrainpas juchanku jawan urmanku.
Judapas paykunawan kuskan urmapun.+
6 Paykunaqa wakakunantin ovejakunantinmi Jehová Diosta maskhamurqanku,ichaqa manan tarirqankuchu.
Payqa karupiñan paykunamanta kasharqan.+
7 Paykunaqa Jehová Diosninkutan traicionanku,+waj llaqtayoq churikunaq taytanmi kapunku.
Juj killallapin paykunaqa llapa kaqninkunapiwan* chinkanqaku.
8 ¡Guibeá llaqtapi oveja waqrata tocaychis!+ ¡Ramá llaqtapi trompetata tocaychis!+
¡Bej-Aven llaqtapi guerrapaq qapariychis!+ ¡Benjamín, soldadokunata umalliy!
9 Yau Efraín, castigasqa kasqayki p’unchaymi mancharikunaman tukuchisqa kapunki.+
Israelpi kaq ayllukunamanmi willani imachus pasananta.
10 Judapi umallikunaqa linderota* suchuchiq runakuna jinan kanku.+
Chay runakunamanmi k’araq phiñakuyniyta unuta jinaraq jich’aykamusaq.
11 Efrainqa ñak’arichisqan kashan, chanin kaywan ñit’isqan kashan.
Payqa enemigontan qatikuyta munasharqan.+
12 Efrainpaqmi thuta jina karqani,Judapaqmi ismuchiq jina karqani.
13 Efrainqa onqosqan kasharqan, Judapas lleq nishaq k’iriyoqmi kasharqan.
Jinan Efrainqa Asiriaman rirqan,+ jatun reymanmi willaqkunata kacharqan.
Ichaqa manan reyqa jampiyta atirqasunkichischu,manan lleq nishaq k’iriykichistapas qhaliyachiyta atirqasunkichischu.
14 Efrainpaqmi malta león jina kasaq,Judapaqpas kallpasapa león jinan kasaq.
Noqa kikiymi paykunata llik’irparisaq jinaspa ripusaq.+
Apapusaqmi paykunata, manan pipas makiymanta libraq kanqachu.+
15 Noqaqa ripusaqmi, maypichus tiyasqaymanmi kutipusaq;juchankumanta ñak’arinankukaman ripusaq.
Paykunaqa allinpaq qhawarinaytan munanqaku.+
Sinchi llakipi tarikuspan maskhamuwanqaku”.+
Uraypi willakuykuna
^ Chaypiqa “juicioqa” nillanmantaqmi.
^ Chaypiqa “Dios contra kaq” nillanmantaqmi.
^ Chaypiqa “ramera warmi jinan” nillanmantaqmi.
^ Chaypiqa “ramera warmi jina puriyllapin” nillanmantaqmi.
^ Chaypiqa “jallp’ankunapiwan” nillanmantaqmi.
^ Linderotaqa “colinda, qorpa” nillankutaqmi.
