Oseas 7:1-16
7 Diosmi nin: “Sapa kuti Israelta jampiyta munaqtiymi,Efrainpa mana allin ruwasqan astawan rijurimun,+Samariaq mana chanin ruwasqanmi rijurimun.+
Paykunaqa engañollawanmi imatapas ruwanku,+wasikunamanmi suwakuq jaykunku, jawakunapipas suwakunkun.+
2 Paykunaqa manan piensallankupaschu mana allinkuna ruwasqankuta yuyanaytaqa.+
Mana allin ruwayninkuqa muyuriqninkupin junt’a kashan,ñawillaypin chaykunaqa kashan.
3 Paykunaqa mana allinkunata ruwaspan reyta kusichinku,engañowan ruwaspan umallikunatapas kusichinku.
4 Chay runakunaqa llapankun jujwan pantaqkuna kanku,t’anta ruwaqpa jap’ichisqan ruphashaq horno jinan kanku,chay hornoq sansanqa raurashallanmi t’anta ruwaqpa masa ruwanankama masa poqonankamapas.
5 Reypa p’unchayninpin umallikunaqa onqopurqanku,vinota ujaspan paykunaqa phiñasqa kashanku,+reypas burlakuq runakunawanmi amigontin kapun.
6 Chay runakunaq sonqonqa horno jinan ruphan.*
T’anta ruwaqqa tutantinmi puñun.
Tutamantantaq hornoqa qallusparaq raurarin.
7 Llapankun paykunaqa horno jina ruphanku,kamachiqninkutapas* ruphapunkun.
Reyninkunapas llapankun urmapunku,+manan mayqenninkupas yanapayniytaqa mañakamuwankuchu.+
8 Efrainqa waj nacionkunawanmi juñukun.+
Efrainqa juj ladon chayasqa muyu t’anta jinan.
9 Waj llaqtakunan paytaqa sayk’uchipun,+ paymi ichaqa mana reparakunchu.
Oqe chujchanpas yuraqmanñan tukupun, chaytapas manan reparakunchu.
10 Jatunchakuq kayninmi Israel contra riman.+
Paykunaqa manan Jehová Diosninkuman kutirikamunkuchu.+
Chaykunapiña tarikurqanku chaypas, manan maskhamuwankuchu.
11 Efrainqa mana yuyayniyoq urpi jinan, tukuy imatapas creellanmi.+
Egiptotan wajakun,+ Asiria llaqtaq yanapaynintan mañakun.+
12 Maytaña rinqaku chaypas, llikaywanmi paykunataqa urmachisaq.
Altonta phalaq animalkunata jinan paykunataqa urmaykachisaq.
Llaqtankuta* imachus nisqayman jinan paykunataqa wanachisaq.*+
13 ¡Ay imaraqmi kanqa noqamanta t’aqakuq runakunamanta!
¡Noqa contra juchallikusqankuraykun paykunaqa ch’usaqyachisqa kanqaku!
Yanapanayña kashaqtiymi paykunaqa llullakuspa noqa contra rimarqanku.+
14 Pesapakuspaña puñunankupi kasharqanku chaypas,manan sonqomantachu yanapayniyta mañakamuwarqanku.+
Trigotapas vinotapas allinta cosechanankupaqmi cuerponkuta kuchukunku.
Noqa contran paykunaqa jatarinku.
15 Yachachirqaniña kallpacharqaniña chaypas,paykunaqa mana allinkunata yuyaykuspan noqa contra sayarinku.
16 Cambiarqankun ñanninkuta, ichaqa manan aswan allin kaqpaqchu.*
Mana allin mat’isqa flechana arco jinan karqanku.+
Jatunchakuspa rimasqankuraykun umallinkunaqa espadawan wañuchisqa kanqaku.
Chayraykun Egipto llaqtapi pisichasqa kanqaku”,+ nispa.
Uraypi willakuykuna
^ Chaypiqa yaqapaschá “Imatapas yachayta munaspa jamuqtinkun sonqonkuqa horno jinaraq kashan” nillanmantaq.
^ Hebreo rimaypiqa “juezninkunatapas” ninmi.
^ Hebreo rimaypiqa “Juñunasqa runankunata” ninmi.
^ Kaypi aswan allin kaqmanta rimaspaqa Diosta munayninman jina adoraymantan rimashan.
