Proverbios 10:1-32
10 Kaymi Salomonpa yachaywan rimasqan* simikuna.+
Yachayniyoq churiqa taytantan kusichin,+mana yuyayniyoq churin ichaqa mamanta llakichin.
2 Mana allinta ruwaspa tarisqa valorniyoq cosaskunaqa yanqapaqmi,chanin kaqta ruwaymi ichaqa wañuymanta salvasunki.+
3 Jehová Diosmi chanin runamanqa mijuchinqa,+millay runakunamanmi ichaqa imachus munasqankuta mana qonqachu.
4 Qella runaqa wajchayanqan,+k’uchi runan ichaqa qhapaqyanqa.+
5 Allin yuyayniyoq runaqa cosecha tiempopin mijuyta juñun,mana p’enqarikuq runan ichaqa cosechay tiempopi puñun.+
6 Chanin runaqa bendicionkunatan chaskinqa.+
Millay runaq siminqa ñak’arichinanpaq yuyaykusqantan pakan.
7 Chanin runaqa yuyarisqan kanqa, bendiciontan chaskinqa,+millay runan ichaqa qonqasqa kapunqa.+
8 Yachayniyoq runaqa yachachikuykunatan* chaskikun,+comunta rimaqmi ichaqa mana allinpi tarikun.+
9 Chanin runaqa thajmi tiyanqa,+q’otukuq runan ichaqa jap’isqa kanqa.+
10 Mana allinta ruwananpaq ñawinta ch’illmiqqa sasachakuytan paqarichin,+comunta rimaqpas sarunchasqan kanqa.+
11 Chanin runaq siminqa kausay pujyun,+millay runaq siminmi ichaqa ñak’arichinanpaq yuyaykusqanta pakan.+
12 Cheqnikuyqa ch’aqwatan jatarichin,munakuymi ichaqa jujkunaq pantasqanta pakaykun.+
13 Allin reparaq runaq siminpin yachayqa kashan,+mana yuyayniyoq runan ichaqa varawan castigasqa kanqa.+
14 Yachayniyoqkunaqa tukuy yachasqankutan sonqonkupi waqaychanku,+mana yuyayniyoqkunaq siminmi ichaqa mana allinman apan.+
15 Qhapaq runapaqqa qhapaq kayninmi allin perqasqa llaqta jina,wajcha runan ichaqa wajcha kayninpi ñak’arin.+
16 Chanin runaq ruwasqanqa kausaymanmi apan,millay runaq tarisqanmi ichaqa juchaman apan.+
17 Wanachiyta chaskikuqqa kausayman apaq ñannintan jujkunata pusan,wanachiyta mana chaskikuqmi ichaqa jujkunata mana allinman apan.
18 Cheqnikuyninta pakaqqa llullakuspan riman,+mana yuyayniyoqqa yanqa tumpaykunatan ch’eqechin.
19 Askha rimasqapiqa kanpunin pantayqa,+upallakuqmi ichaqa allin yuyayniyoq runa.+
20 Chanin runaq rimasqanqa aswan ch’uya qolqe jinan,+millay runaq yuyaykusqanmi* ichaqa mana valeq.
21 Chanin runaq rimasqanqa askha runatan yanapan,*+mana yuyayniyoqkunan ichaqa mana yuyayniyoq kaspa wañunku.+
22 Jehová Diospa bendicionninmi qhapaqyachinqa,+manataqmi chay bendicionwanqa ima nanaytapas* apamunchu.
23 Mana p’enqarikuspa ruwaykunata ruwayqa pujllay jinan mana yuyayniyoqpaqqa,allin reparaq runan ichaqa yachayta tarin.+
24 Millay runamanqa imachus manchakusqanmi chayanqa,chanin runan ichaqa imachus munasqanta chaskinqa.+
25 Jatun wayraq pichasqan jinan millay runaqa chinkapunqa,+chanin runan ichaqa wiñaypaq churasqa cimentación jina kanqa.+
26 Qella runaqa kiruman chayaq vinagre jinan,ñawiman chayaq q’osñi jinan llank’anata qoqnin runapaqqa.
27 Jehová Diosta manchakuqqa unaytan kausanqa,+millay runan ichaqa pisillata kausanqa.+
28 Chanin runaq suyakusqanqa kusikuytan apamun,+millay runaq suyakusqanmi ichaqa yanqapaq.+
29 Jehová Diospa ñanninqa chanin runapaqqa pakakuna torre jinan,+mana allin ruwaqtan ichaqa ñut’usqa kayman apan.+
30 Chanin runakunaqa manan jayk’aqpas urmachisqachu kanqaku,+millay runakunan ichaqa manaña kay jallp’api tiyanqakuñachu.+
31 Chanin runaq siminmantaqa yachaymi lloqsimun,mana allinta rimaq runaq qallunmi ichaqa kuchusqa kanqa.
32 Chanin runaqa sumaqtan riman,millay runan ichaqa mana allinta riman.
Uraypi willakuykuna
^ Qhaway Explicasqa simikuna nisqapi “Yachaywan rimay” nisqata.
^ Hebreo rimaypiqa “kamachikuykunatan” ninmi.
^ Hebreo rimaypiqa “sonqonmi” ninmi.
^ Chaypiqa “pusan” nillanmantaqmi.
^ Chaypiqa “ima llakikuytapas” otaq “ima sasachakuytapas” nillanmantaqmi.
