Proverbios 2:1-22
2 Churilláy, simiykunata chaskikuy,kamachikuyniykunatapas sonqoykipi waqaychay.+
2 Yachayta makilla uyarikuy,+allin reparaq kayman sonqollikuy.+
3 Kusa reparaq kanaykipaq tukuy sonqo mañakuy,+allin reparaq kanaykipaq wajakuy.+
4 Sichus chaykunata qolqeta jina maskhashallanki,+pakasqa qorita jina maskhashallanki chayqa,+
5 yachankin Jehová Dios manchakuyta,+allintataqmi paytaqa reqsinki.+
6 Jehová Diosmi yachayta qoqqa,+siminmantan paqarimun ima yachaypas allin reparaq kaypas.
7 Payqa allin kaqta ruwaqkunapaqmi allin yachayniyoq kayta waqaychan,payqa chanin runakunaq pakakunanmi.+
8 Payqa chanin runakunaq ñannintan qhawashan,tukuy sonqowan serviqninkunaq ñannintan pakaykunqa.+
9 Chaykunata entiendenki chayqa, entiendenkin imachus chanin kaq, allin kaq chayta,entiendellankitaqmi mana pimanpas sayapakuq kayta, reqsinkin allin kaq ñantapas.+
10 Sonqoykiman yachay chayanqa chayqa,+allin yachayman k’askakunki chayqa,+
11 allin yuyaykuq kaymi waqaychasunki,+allin reparaq kaymi pakaykusunki.
12 Mana allin ñanmantan ayqechisunki,millayta rimaq runamantan librasunki.+
13 Tutayaq ñankunapi purinankupaqchanin ñanta saqepuqkunamantan librasunki.+
14 Mana allin kaqta ruwaspa kusikuqkunamantan librasunki,paykunaqa millay kaqta, mana allin kaqta ruwaspan kusikunku.
15 Mana allin ñanpi puriqkunamantan,mana allin ñanpi purispa mana allinta kausaqkunamantan librasunki.
16 Yachayqa mana allin kausaypi puriq warmimantan* librasunki,qhelli kausaypi puriq warmiq* misk’i siminmantan karunchasunki;+
17 payqa sipas kasqan qosantan wijch’upun,+Dioswan rimanakusqantan qonqapun.
18 Wasinman riyqa wañuyman riy jinan,wasinman riq ñanqa sepulturamanmi apan.+
19 Pipas paywan puñuqqa* manan kutimunqañachu,manan kausay ñanpipas purinqañachu.+
20 Chhaynaqa allin runakunaq ñannillanpi puriy,chanin runakunaq ñannillanpi kay.+
21 Allin kaqta ruwaqkunallan kay jallp’apiqa tiyanqaku,mana juchachanata kausaqkunallan* chaypiqa tiyanqaku.+
22 Millay runakunan ichaqa kay jallp’amanta chinkachisqa kanqaku,+traicionerokunapas t’irasqan kanqaku.+
Uraypi willakuykuna
^ Chaypiqa Diospa yachachikuyninkunata mana reqsiq warmimantan rimashanman.
^ Chaypiqa Diospa yachachikuyninkunata mana reqsiq warmimantan rimashanman.
^ Hebreo rimaypiqa “payman riqqa” ninmi.
^ Chaypiqa “junt’aq sonqo kaqkunallan” nillanmantaqmi.
