Proverbios 23:1-35
23 Reywan mijunaykipaq tiyaykuspaqaallinta qhawarikuy imachus ñaupaykipi kashasqanta.
2 Sinchita mijunayachikunki* chayqa,kunkaykiman cuchillota churakuy.*
3 Ama sumaq mijunankunata sinchita munapayaychu,chaykunaqa urmachisunkimanmi.
4 Ama kallpaykita usuchiychu qhapaq kayta maskhaspa.+
Sayaykuy, jinaspa allin reparaq kasqaykita rikuchiy.*
5 Qhawariqtiyki jinan chaykunaqa chinkaripunqa,+rafranmi wiñarunqa jinaspa phalarispa anka jina ripunqa.+
6 Ama maqlla runaq jaywarisqasuykita mijuychu,ama sumaq mijunankunatapas sinchita munapayaychu.
7 Payqa may tukuyta mijusqaykitan yuyayninpi jap’ishan.
“Mijukuy, ujakuy” nisunkin, ichaqa manan sonqomantachu chayta nin.*
8 Pisilla mijusqaykitapas aqturparinkinalabasqaykipas yanqapaqmi kanqa.
9 Ama mana yuyayniyoq runata yachachiychu,+yachaywan rimasqaykikunatan pisichanqa.+
10 Aman ñaupa tiempo churasqa linderokunataqa kuyuchinkichu,+aman mana taytayoqpa jallp’anmanpas suchuykunkichu,
11 payta yanapaqqa* atiyniyoqmi,paymi jark’aqninqa, qan contran sayarinqa.+
12 Wanachiyman sonqollikuy,yachay simikunata uyarikuy.
13 Wawaykita wanachishallay,+varawan waqtaqtiykiqa manan wañurunqachu.
14 Varawan waqtay, wanachiy,chhaynapin Sepulturamanta* libranki.
15 Churilláy, yachayniyoq kapunki* chayqa,sonqoymi kusikunqa.+
16 Simiyki chanin kaqta rimaqtinmisonqoy ukhupi anchata kusikusaq.
17 Ama juchasapakunata sonqoyki envidiakuchunchu,+aswanpas Jehová Diosta tukuy tiempo manchakuchun.+
18 Chhaynapin sumaqta kausanki,+suyakuyniykipas manan qollunqachu.
19 Churilláy, uyarikuy, jinaspa yachayniyoq kay,allin ñanninta sonqoykita pusay.
20 Ama askha vinota ujaqkunawanqa juñukuychu,+ama aycha wijsa rajrapukunawanpas* juñukuychu.+
21 Machaqpas rajrapupas wajchayapunqan,+puñuylla puñuq kaspan thanta p’achayoq kapunqaku.
22 Taytaykita kasukuy, churiyaqniykita uyarikuy,ama mamaykitapas payayapusqanraykuqa pisichaychu.+
23 Cheqaq kaqta rantiy, amataq jayk’aqpas chayta vendeychu,+rantillaytaq yachayta, wanachiyta, allin reparaq kaytapas.+
24 Chanin runaq taytanqa kusikunqan,yachayniyoq churiq taytanqa kusikunqan.
25 Taytaykipas mamaykipas kusisqan kashanqaku,onqokuqniykiqa anchatan kusikunqa.
26 Churilláy, makilla uyariway,ñawiykikunapas ñanniykunata qhawaspa kusikuchun.+
27 Ramera warmiqa ukhu t’oqo jinan,mana allin kausaypi puriq warmipas* k’illku t’oqo jinan.+
28 Suwa jinan qhamiyan,*+askha qharikunatataqmi juchallichin.
29 ¿Pipaqmi pesapakuy? ¿Pipaqmi llakikuy?
¿Pipaqmi ch’aqway? ¿Pipaqmi nanaykuna?
¿Pipaqmi yanqamanta k’irikuna? ¿Pipaqmi pukayasqa ñawikuna?
30 Vinota ujaspalla puriqkunapaqmi,+tupachisqa vinota maskhaqkunapaqmi.*
31 Ama puka vinota qhawashallaychu copapi k’anchariqtin,llamp’ulla millp’uykunapaq jina kaqtinpas,
32 mach’aqway jinan kanikun,venenoyoq mach’aqway jinan k’utukun.
33 Ñawiykikunaqa yanqa kaqkunatan rikunqa,sonqoykipas millaykunatan yuyaykachisunki.+
34 Lamar-qochaq chaupinpipas puñushawaq jinan kanki,barcoq jatun k’aspi puntanpipas puñushawaq jinan tarikunki.
35 Ninkitaqmi: “Maqawasqakun, ichaqa manan reparakusqanichu.*
Waqtawasqakun, ichaqa manan yacharqanichu.
¿Jayk’aqmi rijch’arisaq+ astawan ujanaypaq?”, nispa.
Uraypi willakuykuna
^ Chaypiqa “Almayki sinchita mijunayachikun” nillanmantaqmi.
^ Chaypiqa “controlakuy” nillanmantaqmi.
^ Chaypiqa yaqapaschá “yuyaykusqaykita saqepuy” nillanmantaq.
^ Hebreo rimaypiqa “sonqonmi ichaqa mana qanwanchu kashan” ninmi.
^ Hebreo rimaypiqa “paypa salvaqninqa” ninmi.
^ Hebreo rimaypiqa “sonqoyki yachayniyoq kapunqa” ninmi.
^ Rajraputaqa “sinchi mijuq” nillankutaqmi.
^ Qhamiyaytaqa “katiyay, qhawaray” nillankutaqmi.
^ Chaypiqa “tupachisqa vinota mallinankupaq juñukuqkunapaqmi” nillanmantaqmi.
^ Chaypiqa “manan nanawarqanchu” nillanmantaqmi.
