Proverbios 28:1-28
28 Millay runakunaqa mana piqpa qatisqallanmi ayqekunku,chanin runakunan ichaqa león* jina mana manchakunkuchu.+
2 Suyupi ch’aqwaylla kaqtinqa kamachikuqkunan cambiakun,+allin reparaq, yachayniyoq runaq yanapayninwanmi ichaqa unayta autoridadqa* kamachikun.+
3 Pisipaq qhawarisqakunata sarunchaq wajchaqa*+llapa mijuykunata apapuq lloqlla jinan.
4 Kamachikuyta qhepanchaqkunaqa millay runatan alabanku,kamachikuyta kasukuqkunan ichaqa paykunapaq phiñakunku.+
5 Millay runakunaqa manan chanin kayta entiendenkuchu,Jehová Diosta maskhaqkunan ichaqa llapanta entiendenku.+
6 Aswan allinqa chaninta kausaq wajcha runan,mana allin ñankunapi puriq qhapaqmantaqa.+
7 Allin reparaq churiqa kamachikuytan kasukun,rajrapukunaq* amigonmi ichaqa taytanta pisichan.+
8 Mana chanin kaqta ruwaspa, interesta mañaspa qhapaqyaqqa+wajchakunata khuyapayaqpaqmi juñushan.+
9 Pipas kamachikuyta mana kasukuyta munanchu chayqa,Diospas mañakusqantaqa millakullantaqmi.+
10 Chanin runakunata mana allin ñanman pantachiqqa t’oqollanpitaqmi urmaykunqa,+mana juchachanata kausaqkunan ichaqa allin kaqta chaskinqaku.+
11 Qhapaq runaqa yachayniyoqpaqmi qhawarikun,+allin reparaq wajcha runan ichaqa imaynapunichus kasqanta reparan.+
12 Chanin runakuna atipaqtinkuqa ancha kusikuymi* kan,millay runakuna kamachikuqtinmi ichaqa runakuna pakakuq phawarinku.+
13 Juchankunata pakaqqa mana allinpin tarikunqa,+juchankunata willakuspa saqepuqmi ichaqa khuyapayasqa kanqa.+
14 Juchaman urmananmanta cuidakuqqa kusisqan,sonqonta rumiyachiqmi ichaqa ñak’ariypi tarikunqa.+
15 Mana defiendekuyta atiq llaqtata kamachiq millay runaqa+qapariq león jinan, jap’iruq oso jinan.
16 Mana reparaq umalliqa jujkunatan sarunchan,+engañayta cheqnikuqmi ichaqa unayta kausanqa.+
17 Runata wañuchispa yawarta jich’asqanmanta juchawan ñit’ichikuqqasepulturaman chayanankaman ayqenqa.+
¡Ama pipas paytaqa yanapachunchu!
18 Mana juchachanata kausaqqa salvasqan kanqa,+mana allin ñankunapi puriqmi ichaqa qonqaylla urmanqa.+
19 Chajranta llank’aqqa askha mijuyniyoqmi kanqa,mana valeq kaqkunata maskhaqmi ichaqa wajcha kaywan amikunqa.+
20 Junt’aq runaqa askha bendicionkunatan chaskinqa,+usqhaylla qhapaqyayta munaqmi ichaqa urmanqapuni juchaman.+
21 Manan allinchu jujkunaman sayapakuyqa,+ichaqa juj phasmi t’antaraykupas runaqa mana allintan ruwanman.
22 Envidiakuq runaqa valorniyoq cosaskunamantan wañunraq,manan yachanchu wajchayay payman chayamunanta.
23 Tiempowanqa jujkunata anyaqmi+ munasqa kanqa,+jujkunata sumaq simiwan llunk’upayaqmi ichaqa mana.
24 Taytanmanta mamanmanta suwakuspa,“chayqa manan juchachu”+ niqqa ch’usaqyachiqpa amigonmi.+
25 Imaymanayoq kayta munaqqa ch’aqwaytan jatarichin,Jehová Diospi confiaqmi ichaqa imaymanayoq kanqa.+
26 Sonqonpi confiakuqqa mana yuyayniyoqmi,+yachaywan ruwaqmi ichaqa salvakunqa.+
27 Wajchaman qoykuqmanqa manan imanpas faltanqachu,+necesitasqanta mana jaywariqmanmi ichaqa ñakaykuna chayamunqa.
28 Millay runakuna kamachikuqtinqa runakunan pakakunku,chay kamachikuqkuna chinkapuqtinmi ichaqa chanin runakuna yapakunku.+
Uraypi willakuykuna
^ Chaypiqa “malta león” nillanmantaqmi.
^ Hebreo rimaypiqa “payqa” ninmi.
^ Wajchataqa “pobre” nillankutaqmi.
^ Rajraputaqa “sinchi mijuq” nillankutaqmi.
^ Chaypiqa “jatunchaymi” nillanmantaqmi.
