Proverbios 31:1-31
31 Kaykunan rey Lemuelpa ancha allin willakuyninkuna, mamanmi chaykunata nirqan yachachinanpaq.+
2 Wawalláy, ¿imaniykimanmi?
¿Imanisaykin wijsaypi apasqay wawalláy?
¿Imanisaykin Diosman prometekusqay churilláy?+
3 Ama kallpaykita warmikunaman qoychu,+amallataq reykunata chinkachiq ñankunapipas puriychu.+
4 Lemuel, manan reykunaqa,manan reykunaqa vinota ujanankuchu,manan autoridadkunaqa “¿maymi copay?” ninankuchu.+
5 Ujaruspaqa leytan qonqarapunkuman,pisipaq qhawarisqakunatan sarunchankuman.
6 Wañunayashaqkunaman alcoholta qoychis,+sinchi llakisqakunaman vinota jaywaychis.+
7 Ujachunku, jinaspa wajcha kayninkuta qonqachunku.
Amaña ñak’ariyninkuta yuyarichunkuchu.
8 Mana rimariqkunaq rantinpi rimariy,wañuy patapi kashaqkunata defiendey.+
9 Chanin kaywan rimariypas juzgaypas.
Pisipaq qhawarisqakunata wajchakunatawan defiendey.+
א [álef]*
10 Sinchi sasan ancha allin esposata tariyqa,+coralkunamantapas* astawanraqmi valen.
ב [bet]
11 Qosanqa tukuy sonqon paypi confian,qosanmanqa manan imanpas faltanchu.
ג [guímel]
12 Payqa allin kaqkunatan qosanpaq ruwapun, manan mana allin kaqkunatachu.
Tukuy kausasqan p’unchaykunan chayta ruwan.
ד [dálet]
13 Willmatan, linotan tarimun,makinkunawan llank’aymi kusichin.+
ה [he]
14 Payqa negocianteq barconkuna jinan,+karumantan mijunanta apamun.
ו [waw]
15 Payqa tutaraq jatarispan wasinpi kaqkunaman mijuchin,warmi kamachinkunamanpas mijuchinmi.+
ז [zayin]
16 Allinta yuyaykuspan, allinta qhawarispan chajrata rantin.
Llank’aspa tarisqanwanmi uvasta plantan.
ח [jet]
17 Allinta llank’ananpaqmi alistakun,+makinkunawanmi kusata llank’an.
ט [tet]
18 Reparanmi negocionkuna allinyashasqanta.
Tutakaman llank’ashallan.*
י [yod]
19 Makinkunawanmi puskan,makinkunawanmi k’antin.+
כ [kaf]
20 Pisipaq qhawarisqakunatan yanapaykun,wajchakunamanmi mana mich’akuspa qoykun.+
ל [lámed]
21 Rit’imuqtinpas manan wasinpi kaqkunamantaqa llakikunchu,llapankupas iskay pata p’achayoqmi kashanku.
מ [mem]
22 Pay kikinmi qatanakunata awakun.
P’achanqa linomantan, azulniraq puka q’aytumantan.
נ [nun]
23 Qosanqa llaqta punkukunapin allin reqsisqa,+suyupi umalliqkunawanmi* tiyaykun.
ס [sámekh]
24 Payqa linomantan p’achata* ruwan, chaytan venden,negociantekunamanpas chumpikunatan venden.
ע [ayin]
25 Payqa mana manchakuqmi, allin respetasqataqmi kanpas,jamuq p’unchaykunamantapas manan llakikunchu.*
פ [pe]
26 Yachaywanmi imatapas rimarin,+rimaynintaqa sumaq sonqo kaymi kamachin.*
צ [sadé]
27 Wasinpi ruwanakunatan allinta qhawarin,payqa manapunin qella warmichu.+
ק [qof]
28 Wawankunapas sayarispan alabanku,*qosanpas sayarispan alaban.
ר [resh]
29 Allin warmikunaqa askhan,qanmi ichaqa, arí, qanmi llapankumantapas aswan allinqa kanki.
ש [shin]
30 Sonqo suwa munaycha kayqa yanqallan, sumaq rijch’ayniyoq kayqa tukukuqllan,*+Jehová Diosta manchakuq warmin ichaqa alabasqa kanqa.+
ת [taw]
31 Imaymana ruwasqanmanta allin kaqwan kutichipuychis,*+allin llank’aq kasqanmanta llaqta punkukunapi alabasqa kachun.+
Uraypi willakuykuna
^ Kaypiqa hebreo rimaypi abecedarioman jinan armasqa kashan.
^ Hebreo rimaypiqa “Tutapipas mecheronqa k’anchashallanmi” ninmi.
^ Chaypiqa “kuraq runakunawanmi” nillanmantaqmi.
^ Chaypiqa “ukhu p’achata” nillanmantaqmi.
^ Chaypiqa “jamuq p’unchaymantapas asikunmi” nillanmantaqmi.
^ Chaypiqa “yachachispaqa sumaq sonqo kaywanmi yachachin” nillanmantaqmi. Hebreo rimaypiqa “mana tukukuq munakuy kamachikuymi qallunpiqa kashan” ninmi.
^ Chaypiqa “ancha kusisqa ninku” nillanmantaqmi.
^ Chaypiqa “yanqan kanman” nillanmantaqmi.
^ Hebreo rimaypiqa “Makinwan llank’asqanmanta qopuychis” ninmi.
