Rut 4:1-22
4 Boazqa llaqta punkuman+ rispan chaypi tiyaykurqan. Chayllamanmi pimantachus rimarqan chay parienteqa*+ chayninta pasashasqa. Jinan Boazqa chay runata nirqan: “Amigo,* jamuy kaypi tiyaykuy”, nispa. Chaymi chay runaqa chayman rispa tiyaykurqan.
2 Chaymantataq Boazqa llaqtapi kaq chunka umalliqkunata*+ wajaspa nirqan: “Kaypi tiyaykuychis”, nispa. Paykunataq chaypi tiyaykurqanku.
3 Jinan Boazqa chay runata+ nirqan: “Moab+ llaqtamanta kutimpuq Noemí familianchismi wayqenchis Elimelecpa+ jallp’anta vendepunan.
4 Chaymi niyta munarqayki llaqta runakunaq ñaupanpi umalliqkunaq ñaupanpi ima chay jallp’ata rantinaykipaq.+ Sichus rantiyta munanki chayqa, allinmi kanqa, mana chayqa willawanki noqa rantikapunaypaq, qanpa qhepaykimanqa noqan chayta rantikapunaypaq derechoyoq kashani”, nispa. Jinan chay runaqa nirqan: “Allinmi, chhaynaqa noqa rantikapusaq”,+ nispa.
5 Jinan Boazqa nirqan: “Ichaqa chay jallp’aqa manan Noemipa jallp’allanchu, aswanpas wañuqpa viudan Moab llaqtayoq Rutpa jallp’anpiwanmi. Chhaynaqa chay jallp’ata rantispaqa iskayninkumantan rantinayki kanqa, chhaynapi chay herencia wañuqpa sutillanpipuni kashananpaq”,+ nispa.
6 Chaymi chay runaqa nirqan: “Chhayna kaqtinqa manan atiymanchu, herenciaychá pisiyapunman. Qan aswan rantikapuy rantinaypaq derechoywan, noqaqa manapunin atiymanchu”, nispa.
7 Ñaupa tiempopiqa kay costumbren Israel llaqtapi karqan: Libraq parienteqa rantinanpaq derechonta juj runaman pasanan kaqtinqa, jujnin usut’anta ch’utikuspan+ chay runaman qonan karqan; chhaynatan ima acuerdotapas ruwaqku.
8 Chayraykun chay parienteqa usut’anta ch’utikuspa Boazta nirqan: “Qan aswanpas rantikapuy”, nispa.
9 Chaymi Boazqa umalliqkunata chaypi kaq runakunatawan nirqan: “Llapaykichis testigo kaychis.+ Kay p’unchaymi Noemimanta rantikapushani qosan Elimelecpa tukuy kaqninkunata, jinallataq Kilionpa Malonpa tukuy kaqninkunatawan.
10 Chaymantapas Malonpa viudan Moab llaqtayoq Rutwanmi casarakapusaq, chhaynapi wañuqpa herencian mana chinkananpaq paymanta jamuq mirayninpas mana chinkananpaqwan,+ familiankunapas payta mana qonqanankupaqwan. Qankunan chaymanta kunan testigo kankichis”,+ nispa.
11 Jinan llaqta punkupi lliu runakuna jinallataq umalliqkunapas nirqanku: “Arí, testigon kayku. Raquelta jina Leata jina Jehová Dios bendecichun piwanchus casarakunki chay warmita. Paykunamantan kay Israel nacionqa paqarimurqan.+ Qanpas Efrata+ llaqtapi allinta t’ikariy, arí, Belén+ llaqtapi allin reqsisqa kay.
12 Jehová Diosmi chay sipaswan wawakunata qosunki,+ chhaynapi Perezpa+ familian jina familiaykipas askha kananpaq. Perezqa Judapa Tamarpa wawanmi karqan”, nispa.
13 Jinan Boazqa Rutwan casarakuspa paywan puñurqan. Chhaynapin Rutqa Jehová Diospa bendicionninwan onqoq rijurispa wawayoq kapurqan.
14 Chaymi warmikunapas Noemita nirqanku: “¡Jatunchasqa Jehová Diosqa kachun, juj libraq parienteta churapusqasuykimanta! ¡Kay wawaq sutin llapa Israel llaqtantinpi willasqa kachun!
15 Kay wawan kallpaykita jujmanta kausarichin, paymi paya kayniykipi cuidasunki qhachuniykiq wawan kasqanrayku. Qhachuniykiqa anchatan munakusunki,+ payqa qanpaqqa aswan allinmi qanchis wawakunamantapas”, nispa.
16 Jinan Noemiqa wawata marq’arikurqan; payqa chay wawaq cuidaqninmi kapurqan.
17 Chaymantataq wasimasin warmikuna chay wawaman sutita churarqanku Obed+ nispa. Paykunan nirqanku: “Juj wawatan Noemí onqokun”, nispa. Obedqa Jesepa+ taytanmi karqan, Jesetaq Davidpa taytan karqan.
18 Kaykunan Davidpa ñaupa taytankuna karqan Perezmanta+ qallarispa: Perezmi karqan Ezronpa+ taytan,
19 Ezrontaq karqan Ranpa taytan, Rantaq karqan Aminadabpa+ taytan,
20 Aminadabtaq+ karqan Nasonpa taytan, Nasontaq karqan Salmonpa taytan,
21 Salmontaq karqan Boazpa taytan, Boaztaq karqan Obedpa taytan,
22 Obedtaq karqan Jesepa taytan, Jesetaq+ karqan Davidpa+ taytan.
Uraypi willakuykuna
^ Qhaway Explicasqa simikuna nisqapi “Libraq pariente” nisqata.
^ Kay librota qelqaqqa yuyaypipunin mana churanmanchu karqan runaq sutinta.
^ Chaypiqa “kuraq runakunata” nillanmantaqmi.
