Salmos 104:1-35
104 Tukuy kausayniywanmi Jehová Diosta jatunchasaq.+
Diosníy Jehová, qanqa ancha jatunpunin kanki.+
Jatun kaywan lliflli kaywan p’achasqan kashanki.+
2 May jatun k’anchaywan p’istusqan kashanki;+janaq pachatapas karpaq telanta jinan mast’arinki.+
3 Janaq pacha unukuna patapin tiyana wasita ruwakunki.+
Phuyukunan carretaykiqa;+wayraq rafranpin purinki.+
4 Angelniykikunatan atiyniyoqman tukuchinki,*kamachiykikunatan sinchi ruphaq ninaman tukuchinki.+
5 Qanmi kay pachataqa cimentacionninkuna patapi allinta tajyachirqanki;+manan jayk’aqpas chayqa kuyurichisqachu kanqa.+
6 Chinkay-chinkay ukhu unuwanmi qatanawan jina p’istuykurqanki.+
Unuqa orqokunaq altonpiraqmi kasharqan.
7 Anyaqtiykin unukunaqa ayqerikurqan,+t’ojayniykita uyarispan manchasqa ayqerikurqan.
8 Mayman rinankupaqchus kamachirqanki chaymanmi rirqanku,orqokunan wichayman oqarikurqan,+wayq’okunataq urayman uraykurqan.
9 Unupaqmi linderota* churarqanki chaykamalla chayamunanpaq,+chhaynapi jallp’ata ama jayk’aqpas jujmanta millp’unanpaq.
10 Wayq’okunapin pujyu unukunata paqarichirqanki,chay unukunaqa orqokunaq chaupintan purin.
11 Chay unutan llapa salqa animalkuna tomanku,chay unuwanmi salqa asnokunapas ch’akiyninkuta thasnunku.
12 Chay unu patakunapi kaq sach’akunapin phalaq animalkunapas q’esachakunku,chay sach’akunapin munayta takinku.
13 Altospi cuartoykimantan orqokunata qarpamunki;+imaymana ruwasqaykiwanmi kay pachata sajsachinki.+
14 Qanmi uywakunapaq qorakunata, pastokunata wiñachinki,runakuna mijunanpaqmi imaymanata wiñachinki,+jallp’atan sumaqta ruruchinki.
15 Sonqota kusichiq vinotan qonki,+uyata k’ancharichiq aceitetan churamunki,runata kallpachaq t’antatan churamunki.+
16 Jehová Diosníy, sach’aykikunaqa askha unupin kashan.
Líbano wichaypi plantasqayki cedro sach’akunapas qarpasqan kashan.
17 Chay sach’akunapin phalaq animalkunaqa q’esachakunku.
Cigüeñakunaqa enebro sach’akunapin tiyashanku.+
18 Jatun orqokunaqa cabrakunaq tiyananmi,+qaqakunataq damán qowikunaq pakakunan.+
19 Killatan kamarqanki tiempota señalananpaq;intipas allintan yachan ima horas jaykupunanta.+
20 Qanmi tutayaqtaqa chayachimunki, jinan lliu laqhayaq* kapun,+tutapin salqa animalkunapas sach’a-sach’a ukhukunapi purinku.
21 Malta leonkunan mijunamanta qaparinku,+Diospa qosqan mijunatan maskhanku.+
22 Inti lloqsimuqtinmi paykunaqa ripunku,t’oqonkuman ripuspan chaypi kumparayanku.
23 Runataq llank’aq lloqsin,ch’isiyaqmi sayk’usqallaña llank’an.
24 ¡Diosníy Jehová, mana yupay atiyraqmi kamasqaykikunaqa!+
Yachaywanmi tukuy imatapas ruwarqanki;+kay pachaqa kamasqaykiwanmi junt’a kashan.
25 Lamar-qochapas may jatunmi, mana tukurikuqmi,chay ukhupin imaymana kausaqkuna jatunraq juch’uyraq kashan.+
26 Chaynintan barcokunapas Leviatanpas* purin,chaypi pujllananpaqmi Leviatantaqa kamasqanki.+
27 Llapankun qanta suyashasunkiku,tiempollanpi mijuna qonaykitan suyakushanku.+
28 Paykunaqa imachus qosqaykitan juñunku,+makiykimanta chaskisqanku mijunatan sajsata mijunku.+
29 Karunchakuqtiykiqa manchasqan qhepakunku,samayninkuta* qechupuqtiykiqa wañupunkun, jallp’amanmi tukupunku.+
30 Atiyniykita kachaykamuqtiykin lliupas kamasqa kanku,+qanmi kay jallp’a pachataqa mosoqman tukuchinki.
31 Jehová Diospa jatun kayninqa wiñaypaqmi kanqa.
Jehová Diosqa kamasqankunawanmi kusisqa kanqa.+
32 Pay qhawarimuqtinqa kay pachapas khatatatanmi,*orqokunapas pay llamiykuqtinqa q’osñirinraqmi.+
33 Tukuy kausasqay p’unchaykunan Jehová Diosman takisaq,+kausanay p’unchaykaman jatunchay takikunata Diosniyman takisaq.*+
34 Piensasqaykunaqa sonqonpaq jina kachun.
Jehová Dioswanmi noqaqa kusikusaq.
35 Juchallapi puriq runakunaqa manañan kay pachapiqa kanqakuñachu,millay mana allin runakunapas llapankun chinkachisqa kanqaku.+
Tukuy kausayniywanmi Jehová Diosta jatunchasaq.
¡Jehová* Diosta jatunchaychis!*
Uraypi willakuykuna
^ Hebreo rimaypiqa “Angelninkunatan espirituman tukuchin” ninmi.
^ Linderotaqa “colinda, qorpa” nillankutaqmi.
^ Laqhayaqtaqa “tutayaq” nillankutaqmi.
^ Khatatataytaqa “kharkatiy” nillankutaqmi.
^ Chaypiqa “musicatan Diosniypaq tocasaq” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
