Salmos 11:1-7
Takiqkunata pusariqpaq. Davidpa takin.
11 Jehová Diospin noqaqa pakakushani.+
Imaraykutaq qankunari nishawankichis:
“¡Urpikuna jina orqo-orqokunaman ayqekuy!
2 Qhawariy, millay runakunan flechana arconkuta alistashanku,flechankutan arconkumanña churashanku,laqhayaq* ukhumantan allin sonqoyoq runakunata flechamunku.
3 Manan justicia kanchu, manan pipas leyta respetanchu,*¿imatañan chanin runa ruwanman?”, nispa.
4 Jehová Diosqa ch’uya wasinpin kashan.+
Jehová Diospa tiyananqa janaq pachapin kashan.+
Paypa ñawinqa lliutan rikumushan,payqa runakunaq churinkunatan t’aqwimushan.+
5 Jehová Diosqa allintan qhawamushan chanin runatapas millay runatapas.+
Payqa cheqnikunmi maqanakuywan kusikuqkunataqa.+
6 Millay runakunamanqa trampatan* parata jinaraq chayachimunqa;ninata, azufreta,+ ruphashaq wayrata iman paykunaman chayachimunqa.
7 Jehová Diosqa chanin Diosmi,+ chanin ruwaytan payqa munakun.+
Chanin runakunan paypa uyantaqa rikunqaku.*+
Uraypi willakuykuna
^ Laqhayaqtaqa “tutayaq” nillankutaqmi.
^ Hebreo rimaypiqa “Chanin kaypa cimentacionnin urmaqtinqa” ninmi.
^ Chaypiqa yaqapaschá “sansatan” nillanmantaq.
^ Chaypiqa “paywan allinpi kanqaku” nillanmantaqmi.
