Salmos 110:1-7
Davidpa takin.
110 Jehová Diosmi Señorniyta nirqan:
“Paña ladoypi tiyaykuy,+enemigoykikunata chaki sarunaykiman churanaykama”,+ nispa.
2 Sion orqomantapachan Jehová Diosqa kamachikunayki* varata jaywarinqa:
“Enemigoykikuna ukhupi kamachikushay”,+ nispa.
3 Llaqtayki runakunan paykunallamanta jamunqaku,soldadoykikunata pusasqayki* p’unchaymi kikillankumanta jamunqaku.
Qanpa makiykipin mana yupay atiy waynakuna kashan,pacha illarimuy sulla* jinaraqmi kashanku,may k’ancharishaqmi, may ch’uyan kashanku.
4 Jehová Diosmi juj juramentota ruwan,manan imachus piensasqantaqa cambianqachu,paymi nin: “¡Qanmi Melquisedec jina sacerdote kanki,+wiñaypaqmi sacerdote kanki!”,+ nispa.
5 Jehová Diosqa paña ladoykipin kashanqa;+phiñakuynin p’unchaypin reykunata ñut’unqa.+
6 Llapa nacionkunamanmi castigota chayachimunqa,+jallp’a pachatan wañusqakunawan junt’achinqa.+
Jatun llaqtapi* umallitan sarunqa.
7 Payqa* purinan ñanpi puriq unutan tomanqa,chaymi kallpachasqa, uma oqarisqa purinqa.
Uraypi willakuykuna
^ Chaypiqa “atiyniyki” nillanmantaqmi.
^ Chaypiqa “ejercitoykiq puririsqan” nillanmantaqmi.
^ Sullataqa “chhulla” nillankutaqmi.
^ Chaypiqa “Jallp’a pachapi” nillanmantaqmi.
^ Chaypiqa ñaupaq kaq versiculopi rimasqan Señormantan rimashan.
