Salmos 132:1-18
Wichanapaq taki.
132 Diosníy Jehová, yuyariy Davidta,yuyariy imakunapichus ñak’arirqan chayta.+
2 Jehová Diosníy, yuyariy imatachus jurarqasunki chayta.
Jacobpa ancha atiyniyoq Diosnin, paymi jurasqasunki:+
3 “Manan wasiymanqa jaykusaqchu,+manan puñunaymanpas kumpaykukusaqchu,
4 manan ñawiytapas ch’illmiykusaqchu,manan ñawi pataytapas samachisaqchu,
5 Jehová Diospaq juj cheqasta tarinaykama,Jacobpa atiyniyoq Diosninpaq ancha munay karpata tarinaykama”,+ nispa.
6 Efrata ladopin paymanta* rimaqta uyarimuyku,+sach’a-sach’a pampa ladopin payta tarimuyku.+
7 Jaku karpanman jaykusun,+paypa chaki sarunanman k’umuykamusun.+
8 Diosníy Jehová, sayariy, kay samanaykiman jamuy,+kallpaykita rikuchinaykipaq rimanakuyniyki arcapiwan* jamuy.+
9 Sacerdoteykikuna chanin kaywan p’achakuchunku,qan sonqo runakunapas kusisqa qaparichunku.
10 Kamachiyki Davidta munakusqaykirayku,ajllakusqayki runamanta ama uyaykita pakaychu.+
11 Jehová Diosmi Davidman jurarqan;junt’anqapunin jurasqantaqa, paymi nirqan:
“Mirayniykimanta jujnin runatan tiyanayki tronopi tiyachisaq.+
12 Churiykikunachus rimanakusqayta junt’anqaku,llapa kamachisqaytachus* kasukunqaku chayqa,+paykunaq churinkunapas tronoykipin tiyanqaku,wiñaypaqmi paykunaqa chaypi tiyanqaku”,+ nispa.
13 Siontan Jehová Diosqa ajllakun,+chaypi tiyayta munaspan payqa nirqan:+
14 “Kaypin noqaqa wiñaypaq samasaq,kaypin tiyasaq,+ chaytan sonqoyqa munan.
15 Kay llaqtatan askha mijuykunawan bendecisaq,chaypi kaq llapa wajchakunatan t’antawan sajsachisaq.+
16 Sacerdotekunatan salvacionwan p’achachisaq;+junt’aq sonqo runakunapas kusikuymantan qaparinqaku.+
17 Chaypin Davidpa atiyninta wiñachisaq.
Ajllakusqaypaqmi juj lamparata alistapuni.+
18 Cheqnikuqnin runakunatan p’enqakuywan p’achachisaq,Davidpa gobiernonmi* ichaqa munayta t’ikarinqa”,+ nispa.
Uraypi willakuykuna
^ Chaypiqa Diospa rimanakuynin arcamantan rimashanman. Qhaway Explicasqa simikuna nisqapi “Rimanakuy arca” nisqata.
^ Qhaway Explicasqa simikuna nisqapi “Rimanakuy arca” nisqata.
^ Chaypiqa “yuyarichiyniykunatachus” nillanmantaqmi.
^ Hebreo rimaypiqa “coronanmi” ninmi.
