Salmos 145:1-21
Jatunchanapaq taki. Davidpa takin.
א [álef]*
145 Diosníy, reyníy, qantan jatunchasayki,+sutiykitan wiñay-wiñaypaq alabasaq.+
ב [bet]
2 P’unchay ch’isiyaqmi jatunchasayki,+sutiykitan wiñay-wiñaypaq alabasaq.+
ג [guímel]
3 Jehová Diosqa may jatunmi, alabanapaq jinapunin,+jatun kayninqa mana entiendey atiymi.+
ד [dálet]
4 Kunan wiñay runakunapas, jamuq wiñay runakunapas imakunachus ruwasqaykimantan alabasunkiku,ancha atiywan ruwasqaykikunamantan jujkunaman willanqaku.+
ה [he]
5 May jatun atiyniykimantan paykunaqa rimanqaku,+noqataq musphanapaq ruwasqaykikunapi yuyaymanasaq.
ו [waw]
6 Musphanapaq jinaraq ruwasqaykikunamantan rimanqaku,noqataq may jatun kasqaykita willasaq.
ז [zayin]
7 Sumaq sonqo kasqaykita yuyarispan kusisqa rimashallanqaku,+chanin ruwaq kasqaykimantan kusisqa qaparinqaku.+
ח [jet]
8 Jehová Diosqa sumaq sonqon, khuyapayakuqmi,+pacienciakuqmi,* mana tukukuq munakuyninpas ancha jatunmi.+
ט [tet]
9 Jehová Diosqa llapa runakunapaqmi sumaq sonqo,+khuyapayakuq kayninpas tukuy ima ruwasqanpin rikukun.
י [yod]
10 Jehová Diosníy, tukuy ima ruwasqaykin jatunchasunki,+qan sonqo runakunan alabasunkiku.+
כ [kaf]
11 Paykunan atiyniykimanta willanqaku,+kamachikuyniyki may jatun kasqanmantan rimanqaku.+
ל [lámed]
12 Atiywan ruwasqaykikunatan runakunaman reqsichinqaku,+kamachikuyniyki may jatun kasqanmantan yachachinqaku.+
מ [mem]
13 Kamachikuyniykiqa mana tukukuqmi,munaychakusqaykiqa wiñay-wiñaypaqmi.+
ס [sámekh]
14 Jehová Diosqa urmananpaqña kaqkunatan yanapan,+k’umuchisqa kaqkunatan sayarichin.+
ע [ayin]
15 Llapankun qanpi suyakushanku, qanllapin ñawinkuqa kashan,qanmi paykunaman tiempollanpi mijunata qonki.+
פ [pe]
16 Makiykitan mast’arinki,llapa kausaqkunamanmi munasqankuta qonki.+
צ [sadé]
17 Jehová Diosqa chaninmi, ñanninkunapas chaninmi;+tukuy ima ruwasqanpin junt’aq kasqanta rikuchin.+
ק [qof]
18 Jehová Diosqa llapa wajakuqninkunaq qayllanpin kashan,+tukuy sonqowan* wajakuqkunaq ladollanpin kashan.+
ר [resh]
19 Manchakuqninkunamanmi munasqankuta qon,+auxilio mañakusqankutan uyarin, jinaspan libran.+
ש [shin]
20 Jehová Diosqa munakuqninkunatan waqaychan,+millay runakunatan ichaqa ch’usaqman tukuchin.+
ת [taw]
21 Simiymi Jehová Diosta jatunchanqa.+
Llapa kausaqkuna paypa sutinta jatunchachunku,wiñay-wiñaypaq ch’uya sutinta alabachunku.+
Uraypi willakuykuna
^ Kaypi takikunaqa hebreo rimaypi abecedarioman jinan armasqa kashan.
^ Chaypiqa “mana usqhaylla phiñakuqmi” nillanmantaqmi.
^ Chaypiqa “cheqaq kaqwan” nillanmantaqmi.
