Salmos 148:1-14
148 ¡Jehová* Diosta jatunchaychis!*
Cielopi kaqkuna Jehová Diosta jatunchaychis,+llapa wichaypi kaqkuna payta alabaychis.
2 Angelninkunapas llapaykichis payta jatunchaychis.+
Janaq pacha ejercitokuna payta alabaychis.+
3 Intipas killapas payta jatunchaychis,ch’askakunapas llapaykichis alabaychis.+
4 Payta jatunchaychis cieloq altonkuna,cieloq altonpi kaq unukuna.
5 Llapa chaykuna Jehová Diosta sutinmanta jatunchachunku;paypa kamachikusqanmi chaykunaqa kamasqa karqan.+
6 Paymi chaykunata wiñay-wiñaypaq tajyachirqan,+paykunapaqmi mana jayk’aq tukukuq leyta churarqan.+
7 Jallp’a pachapi kaqkuna, Jehová Diosta jatunchaychis,lamar-qocha ukhukuna, chaypi manchay animalkuna, payta alabaychis.
8 Qankunapas llifllikiykuna, chijchikuna,rit’ikuna, yana phuyukuna payta alabaychis;qanpas siminta kasukuq manchay jatun wayra, Diosta alabay.+
9 Qankunapas orqokuna, moqokuna,+fruta sach’akuna, llapa cedro sach’akuna,+
10 salqa animalkuna,+ llapa uywakuna,pampanta suchuq animalkuna, phalaq animalkuna,
11 kay pacha reykuna, llapa nacionkuna,umallikuna, kay pachapi juezkuna,+
12 waynakuna, doncella sipaskuna,*kuraqkuna, wayna-sipaskuna,llapaykichis Diosta jatunchaychis.
13 Llapanku Jehová Diosta sutinmanta jatunchachunku,paypa sutinqa may jatunmi, mana aypay atiymi.+
Qhapaq atiyninqa kay pachamantapas, cielomantapas aswan jatunmi.+
14 Paymi llaqtanman atiyta yapanqa,chhaynapin pay sonqo kaqkunaqa jatunchasqa kanqaku,llapa Israelpa churinkunan, payman k’askakuqkunan alabasqa kanqaku.
¡Jehová* Diosta jatunchaychis!*
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
^ Doncella sipastaqa “qhariwan mana jayk’aq puñuq sipas” nillankutaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
