Salmos 24:1-10
-
Ancha atiyniyoq rey punkunkunata jaykunanmanta
-
“Jehová Diospan jallp’aqa” (1)
-
Davidpa takin.
24 Jehová Diospan jallp’aqa, chaypi kaqkunapas paypan,+jallp’a pachapas llapa chaypi tiyaqkunapas paypan.
2 Paymi lamar-qocha patapi allinta tajyachirqan,+mayukuna patapin allinta sayachirqan.
3 ¿Pin Jehová Diospa orqonman wichanman?+
¿Pin ch’uya kaq partepi sayayta atinman?
4 Limpio makiyoqmi, ch’uya sonqoyoqmi,+noqarayku* juraspa mana yanqa juraqmi,*jujkunata engañananpaqpas mana juraqmi.+
5 Payqa Jehová Diosmantan bendicionkunata chaskinqa,+libraqnin Diosqa chaninpaqmi payta qhawarinqa.+
6 Kay miraykunan Diosta maskhaqkunaqa kanku,Jacobpa Diosnin, paykunan uyaykita maskhaqkunaqa kanku. (Séla).
7 ¡Punkukuna, umaykichista oqariychis!+
¡Ñaupa tiempo punkukuna kicharikuychis!*
¡Ancha jatun reymi jaykumushan!+
8 ¿Pitaq chay ancha jatun reyri?
Jehová Diosmi, payqa ancha atiyniyoq kallpasapan;+Jehová Diosmi maqanakuypi aswan atiyniyoqqa.+
9 ¡Punkukuna, umaykichista oqariychis!+
¡Ñaupa tiempo punkukuna kicharikuychis!
¡Ancha jatun reymi jaykumushan!
10 ¿Pitaq payri? ¿Pin chay ancha jatun rey kanman?
Ejercitokunata kamachiq Jehová Diosmi* chay ancha jatun reyqa.+ (Séla).
Uraypi willakuykuna
^ Chaypiqa Jehová Diosmantan rimashan.
^ Chaypiqa pipas Diospa sutinpi juraqmantan rimashan.
^ Chaypiqa “oqarikuychis” nillanmantaqmi.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
