Salmos 34:1-22
Abimelecpa ñaupanpin Davidqa locomanta pasachikurqan,+ jinan Abimelecqa payta qarqopurqan, Davidtaq chaymanta ripurqan. Chaymantan Davidqa kay takita qelqarqan.
א [álef]*
34 Tukuy tiempon Jehová Diostaqa jatunchasaq;simiyqa paytan jatunchashallanqa.
ב [bet]
2 May kusisqan Jehová Diosmantaqa rimasaq;+chayta uyarispan llamp’u sonqo runaqa kusikunqa.
ג [guímel]
3 Noqawan kuska Jehová Diosta jatunchaychis;+llapallanchis juj sonqolla paypa sutinta jatunchasun.
ד [dálet]
4 Jehová Diostan tapukurqani, paytaq uyarimuwarqan.+
Tukuy ima manchakusqaymantan librawarqan.+
ה [he]
5 Payta maskhaqkunaq uyanmi k’ancharirqanraq,manataqmi jayk’aqpas p’enqachisqachu karqanku.
ז [zayin]
6 Kay sarunchasqa runan wajakamurqayki,qantaq Jehová Diosníy uyarimuwarqanki.
Llapa llakikuyniykunamantan librawarqanki.+
ח [jet]
7 Jehová Diospa angelninqa manchakuqninkunaq muyuriqninpin kashan,+jinan payqa llapankuta imaymanamanta libran.+
ט [tet]
8 Rikuychis,* reparaychis Jehová Diosqa may sumaq sonqochus kasqanta.+
May kusisqan paypi pakakuq runaqa.
י [yod]
9 Ch’uya runakuna, Jehová Diosta manchakuychis,payta manchakuqkunamanqa manan imankupas faltanchu.+
כ [kaf]
10 Kallpasapa leonkunapas malta leonkunapas yarqaypiqa tarikunkun,Jehová Diosta maskhaqkunapaqmi ichaqa mana ima allin kaqpas faltanqachu.+
ל [lámed]
11 Wawallaykuna, jamuychis, uyariwaychis,imas Jehová Diosta manchakuy chaytan yachachisaykichis.+
מ [mem]
12 ¿Mayqenniykichismi kusisqa kausashankichis?
¿Mayqenniykichismi munawaqchis askha p’unchaykuna kusisqalla kausayta?+
נ [nun]
13 Chhayna kaqtinqa, ama mana allin kaqta rimaychu,+ama llullakuspa imatapas niychu.+
ס [sámekh]
14 Mana allin ruwaykunamanta karunchakuy, allin kaqtataq ruway,+thaj kayta maskhay, chaypa qhepallanta puriy.+
ע [ayin]
15 Jehová Diospa ñawinqa chanin runakunapin kashan,+ninrinpas auxilio mañakusqankutan uyarishan.+
פ [pe]
16 Jehová Diosqa mana allin ruwaqkunaq contranpin kashan,kay pachamantan llapankuta chinkachinqa,manan pipas paykunataqa yuyarinqañachu.+
צ [sadé]
17 Chanin runakunan wajakurqanku, Jehová Diostaq uyarimurqan.+
Imaymana llakikuymantan paykunata librarqan.+
ק [qof]
18 Jehová Diosqa sonqo nanasqakunawan kuskan kashan,+sinchi llakisqakunatapas llakikuyninmantan libran.+
ר [resh]
19 Chanin runaq ñak’ariyninqa askhapunin,+chaywanpas Jehová Diosmi chaykunamanta libran.+
ש [shin]
20 Paymi llapa tullunkunatapas waqaychan,manan jujpas p’akisqaqa kanchu.+
ת [taw]
21 Millay runataqa sasachakuykunan wañuyman apanqa;chanin runata cheqnikuqkunaqa juchachasqan kanqaku.
22 Jehová Diosqa serviqninkunaq vidantan libran,paypi pakakuqkunaqa manan mayqenpas juchachasqachu kanqa.+
Uraypi willakuykuna
^ Kaypi takikunaqa hebreo rimaypi abecedarioman jinan armasqa kashan.
^ Chaypiqa “Malliykuychis” nillanmantaqmi.
