Salmos 44:1-26
Takiqkunata pusariqpaq. Corepa mirayninkunaq maskilnin.*+
44 Diosníy, ninriykuwanpunin uyarirqayku,ñaupa taytaykun willawarqanku,+qanqa admiranapaq imaymana ruwaykunatan ruwasqanki,paykunaq tiemponkupin chaykunata ruwasqanki.
2 Atiyniykiwanmi nacionkunata qarqosqanki,+chaypin ñaupa taytaykuta tiyachisqanki.+
Llapa nacionkunatan ñut’usqanki, llapankutan qarqosqanki.+
3 Manan espadankuwanchu chay jallp’ataqa jap’isqaku,+manan makinkuq atiyninwanchu atipasqaku.+
Aswanpas paña makiykiq atiyninwanmi jap’ikapusqaku,+yanapayniykiwanmi, uyaykiq k’anchayninwanmi atipasqaku;paykunawan kusisqa kasqaykiraykun chayta ruwasqanki.+
4 Diosníy, qanmi reyniyqa kanki,+Jacob atipananpaq* kamachikuy.
5 Atiyniykiwanmi cheqniwaqniyku runakunata qhepaman kutichisaqku,+sutiykipin noqayku contra sayariqkunata sarusaqku.+
6 Noqaqa manan flechanay arcopichu confiani,manan espadayqa librayta atiwanmanchu.+
7 Qanmi enemigoykumanta librawarqankiku,+qanmi cheqniwaqniyku runakunata p’enqayman churarqanki.
8 Diosniyku, p’unchay ch’isiyaqmi jatunchasaykiku,wiñaypaqmi sutiykitapas jatunchasaqku. (Séla).
9 Kunanmi ichaqa manaña noqaykuwanchu kapunki,pisichasqan, qonqasqan kashayku,manañan soldadoykutapas yanapankiñachu.
10 Enemigoykuq ñaupanmantan qhepaman kutichiwankiku,+cheqniwaqniyku runakunapas llapa munasqankutan apakapunku.
11 Paykunaq siminmanmi ovejata jina churawankiku,llapa nacionkunamanmi ch’eqerichipuwankiku.+
12 Pisi qolqellapaqmi llaqtaykita venderqanki,+manan ima allintapas vendesqaykimantaqa chaskirqankichu.
13 Wasimasiykuq cheqnikunanmanmi tukuchiwankiku,noqayku qayllapi tiyaqkunaq asipayananmi, burlakunanmi kapuyku.
14 Nacionkunaq cheqninanmanmi tukuchiwankiku,+llaqtakunapas umankuta chhafchirisparaqmi asipayawanku.
15 P’unchay ch’isiyaqmi llakisqalla p’enqasqalla kani,p’enqakuymantan uyaytapas manaña mayman churayta atinichu.
16 P’enqaytan k’amiwanku, p’enqaytan pisichawanku,vengakuyta munaq enemigoykuq causanpin chhaynapi tarikuyku.
17 Diosníy, chhaynapin tarikushayku,chaywanpas manan qantaqa qonqaykikuchu,manan rimanakuyniykitapas p’akiykuchu.+
18 Sonqoykupas manan qanmantaqa t’aqakunchu,chakiykupas ñannillaykipin kashan.
19 Qanmi ichaqa monte alqokunaq tiyasqanpi ñit’iwarqankiku,sinchi laqhayaq* ukhumanmi jaykuchiwarqankiku.
20 Diospa sutintachus qonqapuykuman chayqa,idolomanta mañakunaykupaqchus makiykuta jaywariykuman chayqa,
21 ¿manachu Diosqa chayta rikunman?
Payqa yachanmi sonqo ukhullapi kaqkunatapas.+
22 Qanraykun tukuy tiempo wañuy patapi tarikuyku,ñak’anapaq ovejakuna jinan rikusqa kayku.+
23 Jehová Diosníy sayariy, ¿imaraykun puñushawaqpas jina kashanki?+
Rijch’ariy, yanapawayku, amayá wiñaypaqqa saqerpariwaykuchu.+
24 ¿Imaraykun noqaykumanta uyaykita pakanki?
¿Imaraykun jinata qhawanki sufrisqaykuta ñak’arisqaykutapas?
25 Noqaykuqa pampakama k’umuchisqan kapuyku,cuerpoykupas pampaman sarusqan kapun.+
26 ¡Sayariy! ¡Yanapaykuwayku!+
Mana tukukuq munakuyniykipi librawayku.+
Uraypi willakuykuna
^ Chaypiqa “salvasqa kananpaq” nillanmantaqmi.
^ Laqhayaqtaqa “tutayaq” nillankutaqmi.
