Salmos 45:1-17
Takiqkunata pusariqpaq. “Liriokuna”* nisqaman jina. Corepa mirayninkunaq maskilnin.*+ Munakuymanta taki.
45 Allin willakuykunan sonqoyta kusirichiwan,chaymi nini: “Takiyqa juj reymantan rimashan”,+ nispa.
Qalluyqa allin qelqaqpa+ qelqanan phuru jina+ kachun.
2 Runakunaq churinmantaqa qanmi aswan munayqa kanki.
Simiykimantaqa misk’i rimaykunan lloqsimun,+chaychá Diosqa wiñaypaq bendecirqasunki.+
3 Qan, atiyniyoq runa,+ espadaykita cinturaykiman churakuy,+ancha respetowan atiywan ima p’achawan jina churakuy.+
4 Atiyniykiwan lloqsimuy, atipaq phaway,+cheqaq kaqrayku, justiciarayku, juch’uyaykukuyrayku caballoykipi phaway.+
Paña makiykiqa ancha jatun ruwaykunatan ruwanqa.*
5 Flechaykikunaqa allin filochasqan kashan,chaywanmi llaqtakunaqa ñaupaykiman urmanqaku,+reypa enemigonkunaq sonqonmanmi chaykunaqa jaykunqa.+
6 Diosmi wiñay-wiñaypaq tiyanayki trono kanqa,+gobiernanayki varaqa chaninta ruwaq varan kanqa.+
7 Qanqa chanin kaqtan munakurqanki,+ mana allin kaqtataq cheqnikurqanki.+
Chaymi Diosqa qanta ajllarqasunki,+ kusikuy aceitewan jawispan ajllarqasunki.+
Diosniykiqa compañeroykikunamanta mastan kusikuy aceitewan jawirqasunki.
8 P’achaykiqa mirrawan, áloe sach’awan, casia canelawan iman sumaqta q’apashan,marfilwan sumaqchasqa jatun wasimantapachan cuerdayoq tocanakuna sumaqta kusichisunki.
9 Compañaqniyki warmikuna ukhupiqa reykunaq ususinkunan kashan.
Reinapas Ofirmanta qori alajakunawan churasqan paña ladoykipi kashan.+
10 Ususíy, allinta uyariway, ninriykita asuykachimuway,llaqtaykita qonqapuy, papaykiq wasintapas qonqapuy.
11 Reyqa munay kasqaykiraykun anchata munakusunki.
Payqa señorniykin, paymanmi k’umuykunki.
12 Tiro llaqtaq ususinmi juj regalontin jamusunki,allin qhapaq runakunan qanwan allinpi kayta munanqaku.
13 Palacio ukhupi reypa ususinpas may sumaqmi kashan,p’achanqa qorikunawan sirasqan kashan.
14 Paytaqa munay tejisqa p’achawan churasqatan reypa ñaupanman pusanqaku.
Paypa compañaqnin doncella sipaskunatan* ñaupaykiman pusamusunkiku.
15 May kusikuywanmi, q’ochukuywanmi pusamunqaku,kusisqan reypa palacionman jaykunqaku.
16 Churiykikunan ñaupa taytaykikunaq kasqanpi kanqaku.
Paykunatan umallikuna kanankupaq jallp’antinpi churanki.+
17 Llapa qhepa wiñay runakunamanmi sutiykita reqsichisaq,+jinan llaqtakunaqa wiñay-wiñaypaq jatunchasunkiku.
Uraypi willakuykuna
^ Chaypiqa yaqapaschá musicaq imayna uyarikusqanmanta otaq imayna tocakusqanmanta rimashan.
^ Hebreo rimaypiqa “yachachisunki” ninmi.
^ Doncella sipastaqa “qhariwan mana jayk’aq puñuq sipas” nillankutaqmi.
