Salmos 50:1-23
Asafpa takin.+
50 Dioskunaq Diosnin Jehová Diosmi+ rimarimun,llapa kay pachatan payqa wajachin,inti lloqsimuy ladomanta inti jaykuy ladokaman wajachin.
2 Sionmantapachan Diosqa k’ancharimushan,ancha munay llaqtamantapachan k’anchamushan.+
3 Diosninchisqa jamunqan, payqa manan ch’inllachu kanqa.+
Paypa ñaupanpin manchakuy nina rauray kashan,+muyuriqninpitaq manchay jatun wayra kashan.+
4 Payqa cielota jallp’a pachatawanmi wajachin,+llaqtanta juzgananpaqmi wajachin,+ paymi nin:
5 “Tukuy sonqowan serviwaqkunata ñaupayman juñumuychis,sacrificiota jaywaspa noqawan rimanakuqkunata pusamuychis”,+ nispa.
6 Janaq pachan willan Diospa chanin kasqanta,Dios kikinpunin juezqa.+ (Séla).
7 “Llaqtalláy, uyariway, noqan rimasaq,Israel, mana allin ruwasqaykimantan rimasaq.+
Noqan Diosqa kani, Diosniykin kani.+
8 Noqaqa manan sacrificio jaywamuwasqaykimantachu anyashayki,manan sapa kutilla ruphachina ofrendata apamuwasqaykimantachu anyashayki.+
9 Manan noqaqa wasiykipi toroykitachu mañakuyki,manan kanchaykipi cabraykikunatachu mañakuyki.+
10 Sach’a-sach’api llapan salqa animalkunaqa noqaqmi,+orqo-orqokunapi llapan animalkunapas noqaqmi.
11 Noqaqa allintan reqsini orqokunapi phalaq animalkunataqa.+
Campokunapi mana yupay atina animalkunaqa noqaqmi.
12 Yarqawanmanña chaypas manan qanmantachu imatapas mañakuykiman,jallp’a pachapas, chaypi llapa ima wiñaqpas noqaqmi.+
13 ¿Acaso noqari toroq aychantachu mijusaq?
¿Acaso cabraq yawarnintachu ujasaq?+
14 Aswanpas graciasta qonapaq sacrificiota jaywaway,+noqa ancha jatun Diosman promesa ruwasqaykitapas junt’ay.+
15 Llakikuy p’unchaykunapi, sasa tiempokunapi wajakamuway,+noqan qanta librasayki, jinan qanqa jatunchawanki”.+
16 Diosmi millay runata ninqa:
“¿Pin qan kanki kamachikuyniykunamanta rimanaykipaq?+
¿Pin kanki rimanakusqay simikunamanta rimanaykipaq?+
17 Qanqa wanachisqaytan* cheqnikunki,rimasqaymanpas wasaykitan kutirinki.+
18 Suwa runatapas allinpaqmi qhawarinki,+pantay juchapi puriqkunawanmi purinki.
19 Mana allinkunata ch’eqerichiyllapaqmi simiykipas,llullakuyllapaqmi, engañollapaqmi qalluykipas.+
20 Qanqa tiyaykusparaqmi wayqeyki contra rimanki,+mamaykiq wawanpa mana allin ruwasqantan lliuman willanki.
21 Chaykunata ruwashaqtiykiqa ch’inllan noqaqa karqani,chaywanpaschá piensarqanki qan jina kanaypaq.
Kunanmi ichaqa anyasayki,imachus rimanaytan qan contra rimarisaq.+
22 Noqata qonqapuqkuna, chaypi allinta piensaychis,+mana chayqa tukuchisaykichismi, manan pipas librasunkichischu.
23 Pipas graciasta qonapaq sacrificiota jaywawaqqa jatunchashawanmi.+
Pipas chanin ñanllapi puriqqa salvacionniytan rikunqa”,+ nispa.
Uraypi willakuykuna
^ Chaypiqa “yachachisqaytan” nillanmantaqmi.
