Salmos 51:1-19
Takiqkunata pusariqpaq. Davidpa takin. Bat-Sebawan juchallikusqan qhepaman+ profeta Natán payman riqtinmi Davidqa kay takita paqarichirqan.
51 Diosnilláy, mana tukukuq munakuyniykipi sumaqta qhawariway,+khuyapayakuq kayniykipi juchaykunata pichaway.+
2 Llapa mana allin ruwasqaymanta maqchiway,+juchaykunamanta ch’uyanchaykuway.+
3 Noqaqa allintan yachani imakunachus ruwasqayta,juchaykunapas, pantasqaykunapas ñaupallaypin* kashan.+
4 Diosníy, qan contran juchallikuni,+qan contrallapunin mana allinta ruwani,ñawiykipaq mana allin kaqtan ruwani.+
Qanqa chanintan imatapas rimanki,juzgaspapas chanillantan juzganki.+
5 Noqaqa juchallantinñan nacemurqani,juchasapatan mamayqa paqarichiwarqan.+
6 Qanqa maytan kusikunki runaq sonqonpi cheqaq kaqta tarispa,+sonqoyman churay allin reparaq kayta, allin yuyayniyoq kayta.
7 Hisopowan* juchaymanta ch’uyanchaway, chhaynapi ch’uya kanaypaq,+allinta maqchiway rit’imantapas aswan yuraq kanaypaq.+
8 Kusikuyta, q’ochukuyta uyarichiway,chhaynapin kay ñit’isqayki tulluykuna kusirikunqa.+
9 Amaña juchaykunaman ñawiykita churaychu,+llapa pantasqaykunata, juchaykunata pichapuway.+
10 Diosnilláy, ama jinachu kay, ch’uya sonqota qoway,+ch’uya yuyayta qoway,+ kasukuq sonqota qoway.
11 Ama ñaupaykimanta wijch’uwaychu,ama santo espirituykitapas* qechupuwaychu.
12 Librawasqayki kusikuywan jujmanta kusirichiway,+kasukuq kayta sonqoyman churaway.
13 Juchasapakunamanmi ñanniykikunata reqsichisaq,+jinan paykunaqa qanman kutimusunkiku.
14 Diosnilláy, qespichiq Diosníy,+yawar jich’aymanta libraway,+chhaynapin qalluyqa chanin kasqaykimanta kusikuywan rimarinqa.+
15 Diosníy Jehová, simiyta kichariway,chhaynapin jatunchasqa kasqaykita rimasaq.+
16 Qanqa manan sacrificiotachu munanki,chhayna kaqtinqa, noqaqa jaywamuykimanmi;+manan ruphachina ofrendatapaschu munanki.+
17 Diosqa sinchi llakikuy sacrificiotan chaskin,sinchi llakisqa, sinchi nanasqa sonqotan chaskin;Diosníy, chhayna sonqotaqa manan jinallataqa qhawarpariwaqchu.+
18 Munakuyniykipi Sionpaq allin kaqta ruwapuy,Jerusalenpi perqakunata jujmanta sayarichiy.
19 Chhaynapin chanin sacrificiokunawan kusikunki,ruphachina sacrificiokunawan, llapallan jaywasqa sacrificiokunawanmi kusikunki,chhaynapitaq torokunata altarniykipi jaywanqaku.+
Uraypi willakuykuna
^ Chaypiqa “umallaypin” nillanmantaqmi.
^ Qhaway Explicasqa simikuna nisqapi “Santo espíritu” nisqata.
