Salmos 52:1-9
Takiqkunata pusariqpaq. Maskil.* Juj kutinmi Davidqa Aimelecpa wasinta rirqan, chaytan Edom llaqtayoq Doegqa Saulman willarqan,+ chay kutipin Davidqa kay takita paqarichirqan.
52 Yau millay runa, ¿imaraykun millay ruwasqaykikunawan jatunchakunki?+
Diospa mana tukukuq munakuyninqa tukuy tiempopaqmi.+
2 Qalluykiqa navaja jinaraqmi filollaña kashan,+mana allin ruwayllapin engañayllapin piensan.+
3 Qanqa mana allin kaqtan astawan munakunki allin kaqmantaqa,sut’inta rimaymantaqa llullakuytan astawan munakunki. (Séla).
4 Qanqa jujkunata k’iriq simikunatan munakunki,qalluykipas sinchi q’otuqllañan.
5 Chayraykun Diosqa jujpaqkama chinkachisunki,+jap’ispan karpayki ukhumanta aysamusunki,+saphintintan t’irasunki, manañan kausaq runakuna ukhupichu kanki.+ (Séla).
6 Chanin runakunaqa admirasqan chayta qhawanqaku,+qanmantan asikunqaku, qanta asipayaspan ninqaku:+
7 “Qhawariychis kay runata,payqa manan Diostaqa maskharqanchu,+aswanmi qhapaq kayninkunapi confiarqan,+millay yuyaykusqankunapin jap’ipakurqan”, nispa.
8 Noqan ichaqa Diospa wasinpi aceituna sach’a jina munayllaña kasaq,Diospa mana tukukuq munakuyninpin+ wiñay-wiñaypaq jap’ipakusaq.
9 Allinkunata ruwasqaykiraykun wiñaypaq jatunchasayki.+
Sonqomanta serviqniykikunaq ñaupanpin sutiykipi jap’ipakusqayta rikuchisaq.+
Chay sutiykiqa admiranapaqmi.
