Salmos 56:1-13
Takiqkunata pusariqpaq. “Ch’inlla purikuq urpin karupi kashan”* nisqaman jina. Davidpa takin. Mijtan.* Filistea runakuna Gaj llaqtapi jap’iqtinkun Davidqa kay takita paqarichirqan.+
56 Diosnilláy, khuyapayaykuway,wañuq runan noqa contra jatarishan.
P’unchay-p’unchaymi noqa contra kashanku,nishutan paykunaqa ñak’arichishawanku.
2 Cheqniwaq runakunaqa sapa p’unchaymi k’utupayashawanku,umankuta oqarispan paykunaqa noqa contra sayarinku.
3 Manchakuy chayamuwaqtinqa+ qanmanmi jap’ipakamuyki.+
4 Noqaqa Diospin jap’ipakuni, siminkunamantan “gracias” nini,Diospin confiani, manan imatapas manchakunichu.
¿Imanawanmantaq wañuq runari?+
5 Sapa p’unchaymi paykunaqa imaymana llakiwan ñit’iwanku,mana allin ruwawanallankupin paykunaqa yuyaykunku.+
6 Paka-pakakuspan purinku,purisqaytan makilla qhawashanku,+wañuchiyta munaspan qhawashawanku.+
7 Millay kasqankurayku paykunata ama chaskiychu.
Diosníy, phiñakuyniykipi nacionkunata thuniy.+
8 Qanqa allintan yachanki kayman jaqayman purisqayta.+
Weqeytapas qara p’uyñuykipi* juñuy.+
¿Manachu chaykunaqa qelqaykipi qelqasqa kashan?+
9 Yanapayta mañakusqay p’unchaymi enemigoykunaqa qhepaman kutirinqaku.+
Diosqa noqawanmi kashan, chaymantaqa manan iskayanichu.+
10 Noqaqa Diospin confiani, siminkunamantan “gracias” nini,Jehová Diospin jap’ipakuni, siminkunamantan jatunchani.
11 Diospin confiani, manan imatapas manchakunichu.+
¿Imanawanmantaq wañuq runari?+
12 Diosníy, qanman promesa ruwasqaytaqa junt’asaqmi.+
Graciasta qonapaq sacrificiotan jaywamusayki.+
13 Qanmi wañuymantaqa librawarqanki,+manan munarqankichu urmanaytaqa,+chhaynapi Diospa ñaupanpi kausaqkuna ukhullapi purinaypaq.+
Uraypi willakuykuna
^ Chaypiqa yaqapaschá musicaq imayna uyarikusqanmanta otaq imayna tocakusqanmanta rimashan.
^ Qhaway Explicasqa simikuna nisqapi “Qara p’uyñu” nisqata.
