Salmos 62:1-12
Takiqkunata pusariqpaq. Jedutún* nisqaman jina. Davidpa takin.
62 Noqaqa Diostan ch’inlla suyakusaq,paymi librawanqa.+
2 Paymi pakakunay qaqaqa, paymi librawaqniyqa,paymi mana piqpa tarinan pakakunay perqaqa;+manan jayk’aqpas pasaqpaqqa kuyurichisqachu kasaq.+
3 ¿Jayk’aqkaman juj runaman phawaykunkichis?
¿Jayk’aqkaman payta wañuchiyta munankichis?+
Qankunaqa urmaykushaq perqa jinan kankichis,thunikushaq cerco jinan kankichis.*
4 Paykunaqa jatunchasqa kasqanmanta urmachinankupaqmi rimanakunku,llullakuspan paykunaqa kusisqa kanku.
Simillankuwanmi jujkunata jatunchanku,sonqonku ukhupin ichaqa ñakanku.+ (Séla).
5 Noqaqa Diostan ch’inlla suyakusaq,+paymantan suyakuyniyqa jamun.+
6 Paymi pakakunay qaqaqa, paymi librawaqniyqa,paymi mana piqpa tarinan pakakunay perqaqa;manan jayk’aqpas kuyurichisqachu kasaq.+
7 Diosmantan librasqa kanaypas, jatunchasqa kanaypas.
Diosllan jatun qaqayqa, payllan pakakunayqa.+
8 Llaqtalláy, tukuy tiempo payllapi confiaychis,sonqoykichista payman kichariychis.+
Diosllan pakaykuwaqninchisqa.+ (Séla).
9 Runaq churinqa samay jinallan,runakunaqa yanqallan kanku.+
Llapantaña balanzaman churakunman chaypas,samaymanta menosllatan pesanku.+
10 Aman runa engañaypiqa confiankichischu,aman suwakuspa qhapaq kanaykichispaqpas piensankichischu.
Qhapaqyankichis chayqa, aman chaywanqa sonqoykichista suwachikunkichischu.+
11 Diosmi rimamurqan, iskay kaq rimamusqanpin nimurqan:
“Kallpapas atiypas Diosmantan jamun”,+ nispa.
12 Jehová Diosníy, mana tukukuq munakuypas qanmantan jamun,+qanqa imachus ruwasqanman jinan sapankamanpas pagapunki.+
Uraypi willakuykuna
^ Chaypiqa yaqapaschá “Llapaykichismi qankunaqa urmaykushaq perqata jina, thunikushaq cercota jina urmachiyta munankichis” nillanmantaq.
