Salmos 63:1-11
Davidpa takin. Judapi kaq ch’in ladopi kashaspan Davidqa kay takita paqarichirqan.+
63 Diosnilláy, qanmi Diosniyqa kanki, qantan maskhamushayki.+
Sonqoymi qanmanta ch’akichikushan.+
Qanta munasqaypin, qanpi piensasqaypin yuyayniyraq chinkashawan,ch’aki jallp’apin, unuq mana kasqanpin yuyay chinkasqa kashani.+
2 Qantan qhawarimuyki, ch’uya tiyanaykitan qhawarimuni.
Atiyniykitan, may jatun kasqaykitan rikumuni.+
3 Mana tukukuq munakuyniykiqa kausaymantapas aswan allinmi,+chaymi simiyqa qanllata jatunchasunki.+
4 Tukuy kausasqay p’unchaykunan jatunchasayki,makiyta oqarispan sutiykita jatunchasaq.
5 Noqaqa allin kaqwanmi, sumaq kaqwanmi sajsa kashani,chaymi simiyqa kusisqa qanta jatunchasunki.+
6 Puñunaypi kashaspan qanta yuyariyki,tutakunan qanpi yuyaymanani, qanpin piensani.+
7 Qanmi yanapaqniyqa kanki,+rafraykiq llanthunpin kusikuymanta qaparini.+
8 Qanmantan qaqata jap’ipakuni,paña makiykin mana kacharispa jap’iwan.+
9 Wañuchiwayta munaqkunaqa chinkapunqakun,jallp’aq sonqonmanmi jaykupunqaku.
10 Espadamanmi entregasqa kanqaku,atoqkunan paykunataqa mijupunqaku.
11 Reymi ichaqa Dioswan kusikunqa.
Diospa sutinpi juraqkunaqa kusisqan kanqaku,llullakuspa rimaqkuna upallachisqa kaqtinmi kusikunqaku.
