Salmos 80:1-19
Takiqkunata pusariqpa. “Liriokuna”* nisqaman jina. Yuyarinapaq. Asafpa takin.+
80 Israelta michiq, uyariwayku,ovejata jina Joseta pusariq, qhawariwayku.+
Querubín angelkuna patapi* tiyaq, k’ancharimuy,+tronoykipi tiyaq, llifllikimuy.
2 Efrainpa ñaupanpi atiyniykita rikuchiy,Benjaminpa, Manasespa ñaupanpi kallpaykita rikuchiy,+ama jinachu kay, jamuy, salvawayku.+
3 Diosniyku, jujmanta chaskiykuwayku,+khuyapayakuq kayniykita rikuchiwayku, librawayku.+
4 Ejercitokunata kamachiq Jehová Diosniyku,¿jayk’aqkaman llaqtayki contra phiñasqa kanki?
¿Jayk’aqkaman llaqtaykiq mañakusqanta mana uyarinkichu?+
5 Qanqa weqetan paykunaman t’antata jina qonki,weqetan lamar-qocha unuta jinaraq tomachinki.
6 Qanqa jinallatan qhawanki llaqtamasiyku noqaykurayku maqanakusqanta;cheqniwaqniyku runakunaqa munasqankutan noqaykumanta burlakunku.+
7 Ejercitokunata kamachiq Diosniyku, jujmanta chaskiykuwayku,khuyapayakuq kayniykita rikuchiwayku, librawayku.+
8 Egiptomantan uvas sach’a plantata apamurqanki,+manaraq plantashaspataq nacionkunata wijch’urqanki.+
9 Paypaqmi jallp’ata allichapurqanki,chaypin saphichakurqan, jallp’antinmanmi junt’aykurqan.+
10 Orqokunatan llanthunwan pakaykurqan,Diospa cedro sach’ankunatan k’allmankuna llanthurqan.
11 K’allmankunaqa lamar-qochakamaraqmi chayarqan,ch’ijchimusqankunapas Éufrates mayukamaraqmi chayarqan.+
12 ¿Imaraykun uvas chajra kancha perqakunata thunirqanki?+
Chayninta puriqkunan uvasta pallaspa apakushanku.+
13 Monte khuchikunan chayta mijupushanku,campopi salqa animalkunan chayta tukupushanku.+
14 Ejercitokunata kamachiq Diosniyku, ama jinachu kay, kutimuy.
Janaq pachamantapacha qhawarimuy, qhawarimuwayku,kay uvas chajrata pakaykuy,+
15 paña makiykiq plantasqan uvas k’ulluta qhawariy,+qanpaq wiñachikusqayki kallpasapa churiykita allinta qhawariy.+
16 Chay uvas sach’aqa wit’usqan kashan, ruphasqan kashan.+
Phiñakuyniykiwanmi runakunaqa wañupunku.
17 Paña ladoykipi kaq runata makiyki jap’ichun,jatunchasqa kanaykipaq kallpachasqayki runaq churinta qaqata jap’ichun.+
18 Chhaynapin noqaykuqa mana qanmanta karunchakusaqkuchu.
Kausashaqllata jap’iwayku, chhaynapin sutiykita jatunchasaqku.
19 Ejercitokunata kamachiq Diosniyku Jehová, jujmanta chaskiykuwayku,khuyapayakuq kayniykita rikuchiwayku, librawayku.+
Uraypi willakuykuna
^ Chaypiqa yaqapaschá musicaq imayna uyarikusqanmanta otaq imayna tocakusqanmanta rimashan.
^ Chaypiqa yaqapaschá “chaupipi” nillanmantaq.
