Salmos 82:1-8
Asafpa takin.+
82 Juñunakunanpin Diosqa maypichus kananpi churakun,+waj dioskuna ukhupin* Diosqa juzgan,+ paymi nin:
2 “¿Jayk’aqkaman qankuna mana chaninta juzgankichis?+
¿Jayk’aqkaman millay runakunaman sayapakunkichis?+ (Séla).
3 Mana piniyoqman, mana taytayoqman sayapakuychis,+pisichasqakunapaq, wajchakunapaq justiciata ruwapuychis.+
4 Wajchakunata,* ñak’ariqkunata libraychis,millay runakunamanta paykunata kacharichiychis”, nispa.
5 Paykunaqa* manan imatapas yachankuchu,manan imatapas entiendenkuchu,+tutayaqpi jinan kinray-kinray purishanku.
Manan justicia kanchu, manan pipas leytaqa respetanchu.*+
6 Diosmi nin: “Noqan nini: Qankunaqa dioskunan kankichis,+llapaykichismi noqa ancha jatun Diospa wawaykuna kankichis.
7 Ichaqa, runakuna jinan wañunkichis,+umallikuna jinan wañuchisqa kankichis,+ nispa”.
8 Diosnilláy, sayariy, kay jallp’a pachata juzgay,+llapa nacionkunapas, llapa llaqtakunapas qanpan.
Uraypi willakuykuna
^ Chaypiqa “dioskunaman rijch’akuqkuna ukhupin” nillanmantaqmi. Chaypiqa yaqapaschá Israelpi juezkunamanta rimashan.
^ Wajchataqa “pobre” nillankutaqmi.
^ Chaypiqa ñaupaq kaq versiculopi dioskunamantan rimashan.
^ Hebreo rimaypiqa “Kay pachaq cimentacionninmi chhafchirisqa kashan” ninmi.
