Salmos 96:1-13
96 Jehová Diosman mosoq takita takiychis.+
¡Llapa kay pachapi tiyaqkuna, Jehová Diosman takiychis!+
2 Jehová Diosman takiychis, sutinta jatunchaychis.
Libraq kasqanmanta allin willakuykunata sapa p’unchay willaychis.+
3 May jatun kasqanta nacionkuna ukhupi willaychis,musphanapaq ruwaykuna ruwasqanta llapa llaqtakuna ukhupi willaychis.+
4 Jehová Diosqa may jatunmi, alabanapaq jinapunin.
Payqa llapa dioskunamantapas aswan manchanapunin.
5 Llaqtakunaq llapa diosninkuqa yanqan mana valeqmi,+Jehová Diosmi ichaqa janaq pachata kamaqqa.+
6 Payqa ancha jatun kaywan, k’anchaywan muyuykusqan kashan;+paypa tiyasqanpiqa kallpawan munay kaywanmi kashan.+
7 Pachantinpi familiakuna, Jehová Diosman imachus qonaykichista qoychis,Jehová Diosqa ancha jatunmi, atiyniyoqtaqmi kanpas,payman jatunchaytapas alabaytapas qoychis.+
8 Jehová Diospa sutinta jatunchaychis,+regalokunantin paypa pationman jaykuychis.
9 Ch’uya p’achayoqkama Jehová Diosman k’umuykuychis.*
¡Llapa kay pacha runakuna, Diospa ñaupanpi khatatataychis!*
10 Llapa nacionkuna ukhupi willamuychis:
“¡Jehová Diosmi rey kapun!+
Kay pachaqa allin tajyachisqan kashan, manan imapas chaytaqa kuyurichinmanchu.
Payqa chanin kaywanmi llaqtakunata juzganqa”,+ nispa.
11 Janaq pacha kusikuchun, kay pacha kusikuchun;lamar-qochapas chaypi kaqkunapas kusikuymanta qaparichunku.+
12 Campokunapas chaypi kaqkunapas kusikuchunku,+llapa sach’akunapas kusikuymanta qaparichunku,+
13 Jehová Diospa ñaupanpi kusikuymanta qaparichunku,payqa kay pachata juzgaqmi jamushan.
Chanin kaywanmi kay pachata juzganqa,+junt’aq kaywanmi llaqtakunata juzganqa.+
Uraypi willakuykuna
^ Chaypiqa “Jehová Diosta yupaychaychis” nillanmantaqmi.
^ Khatatataytaqa “kharkatiy” nillankutaqmi.
