Salmos 97:1-12
97 ¡Jehová Diosmi rey kapun!+
Jallp’a pacha kusikuchun.+
Mana yupay atina islakuna kusikuchun.+
2 Paypa muyuriqninpiqa yana phuyukunan kashan;+trononqa chanin kaywan justiciawan iman cimentasqa kashan.+
3 Ninan paypa ñaupanta rishan,+chay ninan llapa contranpi kaqkunata ruphan.+
4 Llifllikisqanqa llapa kay pachamanmi k’ancharin,chayta rikuspan kay pachaqa khatatatan.*+
5 Jehová Diospa ñaupanpin orqokuna chullurin,+kay pachaq Señorninpa ñaupanpin wira jinaraq chullurin.
6 Janaq pachan Diospa chanin kasqanmanta willakun;llapa llaqtakunan k’anchayninta rikunku.+
7 Llapa ídolo yupaychaqkuna p’enqachisqa kachunku,+mana valeq diosninkumanta jatunchakuqkuna p’enqachisqa kachunku.+
Llapa dioskuna Diospa ñaupanpi k’umuykuychis.+
8 Diosníy Jehová,justicia ruwasqaykiwanmi Judapi llaqtakuna kusikun,+chaykunata uyarispan Sion orqopas kusikun.+
9 Jehová Diosníy, qanllan llapa kay pachapi ancha jatun Diosqa kanki,llapa dioskunamantapas qanqa aswan altopin kashanki.+
10 Llapa Jehová Diosta munakuqkuna,mana allin kaqta cheqnikuychis.+
Payqa tukuy sonqowan serviqninkunatan waqaychan,+millay runakunaq makinmantan paykunata libran.+
11 K’anchaymi chanin runakunapaq k’ancharimun,+kusikuymi ch’uya sonqo runakunapaq chayamun.
12 Chanin runakuna Jehová Dioswan kusikuychis,ch’uya sutinta jatunchaychis, graciasta qoychis.
Uraypi willakuykuna
^ Khatatataytaqa “kharkatiy” nillankutaqmi.
