Santiago 5:1-20
5 Yau qhapaqkuna, waqaychis, qapariychis, sinchi llakikunaykichis tiempoqa chayamushanñan.+
2 Qhapaq kayniykichisqa ismupunñan, p’achaykichispas thutaq tukusqanñan kapun.+
3 Qoriykichispas qolqeykichispas sarroyapunñan, chay sarroyasqanmi rikuchinqa juchapi kashasqaykichista, chay sarroyasqataqmi aychaykichistapas tukupunqa. Imachus juñusqaykichisqa nina jinan kanqa tukukuy p’unchaykunapiqa.+
4 ¡Uyariychis! Chajraykichista cosechaqkunaman mana qosqaykichis pagon wajakushan; chajraykichista rutuqkunaq khuyayta wajakusqankupas ejercitokunata kamachiq Jehová* Diospa* ninrinmanmi chayan.+
5 Qankunaqa tukuy imaymanayoq kaspan kusikuykunallapi kay pachapi kausarqankichis, ñak’ana p’unchaypaqmi sonqoykichistapas wirayachirqankichis.+
6 Chaymantapas pichus chanin kaqtan juchachaspa wañuchirqankichis. Chayraykun payqa contraykichispi kashan.
7 Wayqeykuna,* Señorpa chayamusqan tiempokama* pacienciakuychis.+ Yachasqaykichis jina, chajra llank’aq chajraq ancha valeq rurunta oqarinanpaqqa ñaupaq parata qhepa paratawanmi pacienciawan suyakun+ ¿riki?
8 Chhaynata qankunapas pacienciakuychis.+ Chaymantapas Señorpa chayamusqan tiempoqa* cercapiñan kashan,+ chayrayku sonqoykichista allinta kallpachaychis.
9 Wayqeykuna,* ama qankuna ukhupiqa jujkunamanta rimakuy* kachunchu, chhaynapi mana juzgasqa kanaykichispaq.+ Chaymantapas juzgaqqa punkupiñan kashan.
10 Wayqeykuna,* Jehová* Diospa sutinpi rimaq profetakuna jina kaychis,+ paykunaqa imaymanakunapin ñak’arirqanku,+ pacienciawantaqmi aguantarqankupas.+
11 Chhaynata aguantaqkunaqa kusisqan kanku.+ Qankunaqa yachankichismi imaynatachus Job aguantarqan,+ imaynatachus Jehová* Diospas bendecirqan chaytaqa+ ¿riki? Chhaynapin Jehová* Diosqa rikuchirqan ancha munakuq kasqanta, khuyapayakuq kasqantawan.+
12 Astawanqa, wayqellaykuna,* ama imaraykupas juraychischu ni janaq pacharaykupas ni kay pacharaykupas. Aswanpas “arí” nisqaykichisqa “arí” nisqallapuni kachun, “manan” nisqaykichispas “manan” nisqallapuni kachun,+ mana chayqa juchachasqan kawaqchis.
13 Pipas qankuna ukhupi sasachakuykunawan ñak’arishan chayqa, Diosmanta mañakuspa kachun.+ Pipas kusisqa kashan chayqa, salmo takikunata takichun.+
14 Pipas onqosqa kashan chayqa, iñiq t’aqapi umalliqkunata* wajakamuchun,+ paykuna chay onqosqapaq mañapuchunku, aceitewanpas Jehová* Diospa sutinpi jawichunku.+
15 Iñiywan mañakuymi chay onqosqata* qhaliyachinqa, Jehová* Diostaqmi jatarichinqapas. Juchallikurqanña chaypas, perdonasqan kanqa.
16 Chayrayku, qankunapura juchaykichiskunata willanakuychis,+ jujkuna-jujkunapaqtaq Diosmantapas mañapuychis, chhaynapi qhaliyachisqa kanaykichispaq. Chanin runaq rogakuyninqa ancha atiyniyoqmi jujkunata yanapananpaq.+
17 Eliaspas noqanchis jinan runalla karqan, paymi tukuy sonqowan Diosmanta mañakurqan ama paramunanpaq, jinan mana paramurqanchu kinsa wata soqta killata.+
18 Chay qhepamanmi payqa mañakullarqantaq, jinan paramurqan, chhaynapin jallp’aqa mijuyta qorqan.+
19 Wayqellaykuna,* qankunamanta pipas cheqaq ñanmanta pantachisqa kanman jujtaq chay pantaqta kutichimunman chayqa,
20 chay kutichimuqmi chay juchallikuqta*+ wañuymanta salvashanman, juchankuna perdonasqa kananpaqtaqmi yanapashanmanpas.+
Uraypi willakuykuna
^ Qhaway “Astawan yachanapaq A5” nisqata.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Qhaway Explicasqa simikuna nisqapi “Cristoq chayamusqan tiempo” nisqata.
^ Qhaway Explicasqa simikuna nisqapi “Cristoq chayamusqan tiempo” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Chaypiqa “jujkunawan quejanakuy” nillanmantaqmi.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Qhaway “Astawan yachanapaq A5” nisqata.
^ Qhaway “Astawan yachanapaq A5” nisqata.
^ Qhaway “Astawan yachanapaq A5” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Qhaway “Astawan yachanapaq A5” nisqata.
^ Qhaway Explicasqa simikuna nisqapi “Umalliq, kuraq runa” nisqata.
^ Chaypiqa yaqapaschá “chay sayk’usqata” nillanmantaq.
^ Qhaway “Astawan yachanapaq A5” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Chaypiqa “chay juchallikuqpa almanta” nillanmantaqmi.
