Llapanchispas kay 2023 watapiqa munasunmanmi imapas allinyananta ¿riki? Familianchiskunapas allin kanankuta. Ichaqa, ¿Ima razonkunan kan chaykuna chhayna kananpi creenanchispaq?

 Bibliaqa jamuq tiempopi sumaq kausay kananmantan willawanchis. Arí, Bibliapi nisqan jina kay tiempopi problemakuna ñak’ariykunaqa manan wiñaypaqchu, pisi tiempollamantan tukuy chaykunaqa chinkachisqa kanqa. Bibliapi llapa ”qelqasqa kaqkunaqa yachachiwananchispaqmi qelqasqa karqan; chaymantapas Diospa simin qelqan [...] aguantananchispaqpas yanapawanchis, chaymi suyakuyniyoqpas kanchis” (Romanos 15:4).

•    Bibliapi Diospa promesankunamanta astawan yachayta munanki chayqa, leey “La esperanza real de un mañana mejor” nisqata.

 Bibliapi Diospa promesankunaqa juj “ancla jinan vidanchispaq” (Hebreos 6:19) Diospa promesankunapi suyakuyqa yanapawanchismi kay tiempopi problemakunapas ñak’ariykunapas kaqtin thajpi kusisqa kausananchispaq. Qhaway imaynatas jujkunatapas chaykuna yanaparqan chayta.

•    ¿Imaynatan juj machay vicioyoq runata yanaparan Bibliapi Diospa promesankuna? Chaypaq qhaway “Manañan machaq runa kayta munaraniñachu” nisqa videota.

•    ¿Imaynatan Bibliapi Diospa promesankuna yanapawasunman familianchismanta pipas wañukapuqtin? Chayta yachanaykipaq qhaway “Wañupuqniyoq runakunapaq yanapaykuna” nisqa videota.

 Askha runakunan suyakushanku kay tiempopi imapas allinyananta, ichaqa manan seguropunichu kashanku chaykuna pasananmantaqa. Bibliapi Diospa promesankunamantan ichaqa mana iskayananchischu. ¿Imarayku? Jehová a Dios kikinmi chaykunataqa prometewanchis. Payqa “mana jayk’aq llullakuq Diosmi” (Tito 1: 2) Jehová Diosllan atiyniyoq chay promesankunata junt’ananpaqqa. Arí, payqa atiyniyoqmi “tukuy ima munasqantan” ruwananpaq (Salmos 135:5, 6).

 Qanpas atiwaqmi Bibliapi Diospa promesankunapi confiayta. Chaypaqmi ichaqa invitaykiku Diospa simin qelqata allintapuni t’aqwinaykipaq, chaymi yanapasunki Diospa promesanpi astawan confianaykipaq (Hechos 17:11) ¿Munawaqchu Bibliata gratislla estudiayta? Kallpachaykiku kay 2023 watata kusisqa qallarinaykipaq.