2024 watapin 9 octubre killapi Fondo Mundial para la Naturaleza nisqa organización willarqan imaynas runaqa imaymanata ruwasqanwan pachantinpi animalkunata chinkachipushasqanta. 1970 watamanta 2020 watakaman pachaj animalmanta 73 animalkuna chinkapurqanku. Chaymantapas nirqanmi: “Imatachus jamuq pisqa watakunapi ruwakunqa chaymantan kanqa kay pachapi kausay kanqachus manachus chayqa”, nispa.

 Askha runakunan chayta yachaspa sinchi llakisqa kashanku. Maytan munanchis kay jallp’anchis cuidayta, manataqmi munanchischu animalkunaq ñak’arinantapas. Diosninchismi ruwawarqanchis animalkunata cuidananchispaq, chaymi animalkunaq chinkapushasqanta yachaspa llakikunchis (Génesis 1:27, 28; Proverbios 12:10).

 Chhaynaqa yaqapaschá tapukushanki: “¿Atisunmanchu animalkunata salvayta? ¿Imallatapas Biblia willashanmanchu chaymanta?”, nispa.

 Runakunaqa manan atisunmanchu jallp’anchistapas animalkunatapas salvaytaqa, chaytaqa Diosllan ruwayta atin. Bibliapin Apocalipsis 11:18 textopi willashan Diosqa “jallp’a pacha malograqkunata ch’usaqman tukuchipunanta”. Chaypiqa iskay ruwaykuna pasanantan willashan:

1.  1. Diosqa manan permitinqachu runakuna jallp’anchista chinkachipunantaqa.

2.  2. Diosqa pisillamantan chayta ruwanqa. ¿Imaynapin chayta yachanchis? Animalkunaqa manan jayk’aqpas kunan tiempopi jinaqa peligropi tarikurqankuchu.

 ¿Imaynatan Dios animalkunata salvanqa? Gobiernonwanmi, chay gobiernoqa janaq pachamantan jallp’antinta kamachimunqa (Mateo 6:10). Chay gobiernoqa llamp’u sonqo runakunatan allinta yachachinqa animalkuna cuidayta (Isaías 11:9).