Kay pachapi kamachiqkunapas jatun organizacionkunapas manan thaj kausayta apamuyta atinkuchu. Segunda Guerra Mundial kasqan tiempomantapachan mundontinpi guerrakunaqa kashallanpuni. Yaqa iskay waranqa millón runakunan mundontinpi guerrakunaq kasqanwan afectasqa kashanku.

 ¿Imanaqtinmi runakuna thaj kausayta mana apamuyta atinkuchu? ¿Imaninmi Biblia chaymanta?

1.  1. Kay tiemponchismanta rimaspan Bibliaqa sut’inta nin runakuna imaynachus kanankuta. Nirqanmi runakunaqa “pay kikinta munakuqkuna, qolqe sonqokuna, alabakuqkuna, jujkunata pisichaspa uma oqariqkuna, […] mana junt’aqkuna, [...] mana uyakuq k’ullukuna, [...] cuerponkuta mana kamachiqkuna, sinchi k’araq sonqokuna, [...] tercokuna, sinchi jatunchakuqkuna” ima kanankuta. Chhayna kasqankuraykun mana kallpachakunkuchu thaj kausayta apamunankupaq (2 Timoteo 3:2-4).

2.  2. Runakunaqa juñunakuspankupas manan atiyninkupas yachayninkupas kanchu paykunallamanta sasachayninkuta allichanankupaq, necesitanchispunin kamaqninchis Jehová a Diospa yanapayninta. Bibliapin sut’ita nishan: “Manan runachu ninan maynin ñannintachus purinan chaytaqa”, nispa (Jeremías 10:23).

3.  3. Kay pachataqa juj atiyniyoq millay espiritun kamachishan, paymi kay pachapi tiyaq runakunata pantachishan. Chay millay espirituqa Satanasmi. Kay pacha Satanaspa makinpi kashanankamaqa kashallanqapunin guerrakunapas maqanakuykunapas (Apocalipsis 12:9; 1 Juan 5:19).

 Bibliapin sut’intan niwanchis Jehová Dioslla thaj kausayta apamunanta, runakunaqa manan atinkuchu chay ruwaytaqa.

•    Bibliapin nishan: “Allintan yachani qankunapaq yuyaykusqayta. Thaj kaytan qosaykichis manan ñak’ariytachu. Sumaq kausaytan, sumaq suyakuytan qoyta munaykichis, ninmi Jehová Dios”, nispa (Jeremías 29:11).

 ¿Imaynatan chay prometesqanta Dios junt’anqa? Bibliapin nishan: “Pisi tiempollamantan thaj kayta qoq Diosqa Satanasta saruspa ñut’unqa”, nispa (Romanos 16:20). Diosqa juj gobiernotan janaq pachapi tajyachishan, chay gobiernowanmi kay pachaman thaj kausayta apamunqa. Bibliapin chay gobiernota nikun: “Diospa gobiernon”, nispa. Jesucristotaqmi chay gobiernopi rey kanqa (Lucas 4:43). Señorninchis Jesús kay pachata kamachimuqtinmi runakunaqa thajpi kausasunchis (Isaías 9:6, 7).

•    Astawan yachayta munanki chayqa “¿Imakunatan Diospa gobiernon ruwanqa?” nisqa yachachikuyta leey.