“Kay tiempopi wayna-sipaskunaqa askhan umankumanta mal kapushanku, chhaynaqa kashanku redes sociales nisqallapiña kasqankuraykun. Chayqa may llakikunapaqmi” (Dr. Vivek Murthy, U.S. surgeon general, New York Times, June 17, 2024).

 ¿Imaynatan tayta-mamakuna wawankuta redes sociales nisqamanta cuidankuman? Bibliapin tariwaq yanapaykunata.

 Bibliaq yuyaychasqanpi piensariy.

 “Mana yachayniyoqqa tukuy uyarisqantan creen” (Proverbios 14:15).

 Redes sociales nisqaqa mana allinmanmi wawakunata apashan, chayrayku amapuni jinallataqa qhawaychu. Sichus wawayki redes sociales nisqapi kayta munan chayqa, ñaupaqta qhawariy imatas qhawanqa, pikunawansi rimanqa, jayk’a tiempos chaypi kanqa chaykunata.

•   Astawan yachayta munanki chayqa leey “¿Deberían mis hijos usar redes sociales?” “Enséñele a su hijo adolescente a usar con seguridad las redes sociales” nisqa yachachikuykunata.

 “Tiempoykichista ama usuchispa” (Efesios 5:16).

 Sichus wawaykiman celularta qonki chayqa niy jayk’a tiempo qhawananta, imakunatachus mana qhawananchu chaykunatawan. Chaymantapas willay imaraykus chaykunata nishasqaykita. Chaymantapas makilla qhaway imaynachus comportakusqanta, chayman jinataq dejankipas otaq manapas redes sociales nisqapi kananta.

•   Qhaway kay vidota: Allin yuyaywan utilizay ”‏redes sociales”‏ nisqata, chayqa “Dibujokunawan yachachikuykuna” nisqapin kashan, chaymi wawaykikunata yanapanqa imaraykuchus mana nishuta redes sociales nisqawan apachikunankupaq.

 Bibliapi nisqanman jinaqa “manchakuy sinchi sasa tiempokunapin” tiyashanchis (2 Timoteo 3:1-5). Ichaqa Bibliapin kashan allin yanapaykuna kay tiempopi imatapas allinta ruwananchispaq. 20 más yachachikuykunan kashan “wayna-sipaskuna llaki onqoywan kashanku” nisqa yachachikuykuna, qelqakunapi videokunapi ima, tayta-mamakunapaq jinallataq wawakunapaqpas.